L’Union per lengaz, ambient e economia

Data

18 de merz 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La sociazion di Ladins de Fascia à chiamà ite la radunanza di sozi per l’aproazion del nef Statut, l bilanz e la prejentazion de duta l’ativitèdes e la scomenzadives culturèles.


»Lengaz, cultura, ambient e economia, che les reste te noscia mans.« L é stat l apel fort che à uzà fora l president de l’Union di Ladins de Fascia Fernando Brunel a la radunanza di sozi stata en vender ai 10 de mèrz te sala Heilmann del Museo Ladin a Sèn Jan. Apel che é stat tout su e uzà fora ence dal procurador del Comun General de Fascia Giuseppe Detomas: »se no fossa stat l’Union di Ladins no podassane rejonar nience del Comun General e del Istitut Ladin, ajache l’Union à semper tegnù auta la fiama de l’identità«.
I meric al lurier de l’Union di Ladins é stac sotrissé a na vida particolèra da la presidenta de l’Autorità per la mendranzes de la Provinzia de Trent Katia Vasselai: »sion do che porton inant funzion che le é state de l’Union, cognon far a na vida che sie semper persone che se dae ju per chisc obietives«. L valor de la colaborazion é stat uzà fora tant da la senatora Elena Testor che da la presidenta del Istitut Cultural Ladin Lara Battisti che l’à aprijià che l’Union aesse cernù la sala Heilmann per fèr sia radunanza e l sorastant de la Scola Ladina Federico Corradini à out sie intervent soraldut ai joegn.
No l é mencià l referiment al moment storich che sion do che vivon, portà dal president de l’Union Generela di Ladins de la Dolomites Antone Polam, coi 100 egn da la spartijon del popul ladin e la situazion di ucrains che padesc per la vera.
Na gran pèrt de la radunanza, viventèda da la sonèdes al orghen de Stefano Ganz, é jita a la prejentazion, discuscion e aproazion del nef Statut de la sociazion, metù ju aldò de la reforma del Terz Setor dal avocat e conseier de l'Union Andy Rossi e la vizepresidenta Nicoletta Riz à prejentà la gran atività portèda inant da la sociazion.

De più su La Usc stampèda de vender ai 17 de mèrz.  (Monica Cigolla)