La Usc di Ladins

Luca Guadagnini l é l nef president de la sozietà de impianc portamont Sif Lujia. Sia nomina é stata ratifichèda dal Consei de Aministrazion che se à binà en jebia ai 7 de dezember. Guadagnini, che l é ence president Anef del Trentin, tol l post de Umberto Anzelini, storich president de la sozietà de Lujia, l à corì chesta encèria dal 1999. Anzelini é stat nominà vize president. Tel Consei de Aministrazion l é ite ence Alessia Deflorian, Mario Delladio, Paolo Fosco, Maurizio Sommavilla, Giuseppe Zorzi, Armando Bez che à tout l post de Riccardo Franceschetti desche raprejentant de Trentino Sviluppo e Stefano Vadagnini che à tout l post de sie père Sergio.

De più su La Usc stampèda de en vender ai 15 de dezember.

 (MCI)