La Usc di Ladins

»Anché l é n event mingol fora de anter, ajache de solit se fèsc la inaudazions canche se aur zeche, no canche se sera.« Coscita l president de la SITC Daniele Dezulian en domenia ai 6 de oril à scomenzà sie intervent, dedant a n muie de persones che se à binà te la stazion a val de la forenadoa jun Ischia de Ciampedel per saludèr na strutura che à segnà beleche 40 egn de turism te Fascia.
L era mingol emozionà, Dezulian, e amò più emozionà l era Fiorenzo Perathoner, tel recordèr chi egn.
»L é stat na pèrt de mia vita, – à dit Perathoner – president de la SITC enlouta l era Vito Pitscheider, gé ere conseier e ere stat stroz per l’Europa e ence tel Giapon desche maester de schi, e Vito l me à dat su a mi la encèria de ge stèr do a chest projet. Vegnie chiò duc i dis… ades me vegn beleche da pianjer.« A recordèr chi prumes momenc l era ence Leo Scola, projetist e diretor di lurieres, e amò Serafino Lazzer, enlouta ombolt de Ciampedel che se à dat ju trop per fèr ruèr a zil chest projet, e Paolo Cappadozzi che à recordà sie père, che aea metù su na pruma sozietà touta ite per chest impiant.

Se pel lejer dut su La Usc nr 14 dai 11 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)