La Usc di Ladins

Chëla che é juda a piz nte la gran pert dei comprenjori del Dolomiti Superski la podarà ester recordada ndavò come na stagion da record per l setor dei lifc. Sto ann per capì coche l’é juda on sentù Walter Finazzer, prescident de la sozieté Col di Lana. »Fin ai prums de merz come sozieté sonve soura den 4 per cënt sui pasagi respét a la stagion passada, che l’eva bele stada na bona stagion. Purmassa pò l burt temp del mei de merz l n’a penalizé, ma on saré empò con en plù 2,11 per cënt. La jent l’eva, ma nos laorón trop cánche la jent la se sposta da na val a l’autra e col burt temp, sesaben, la jent se muof demánco. Na bona notizia l’é ence chëla che no n on bu inzidenc gravi su le piste. Resta nveze la dificolté de ciapé personal. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper