La Usc di Ladins

Iniann de forá á le degan da denant siur Sepl Granruaz rové da scrí so liber "Seelsorgliche Erfahrungen in Kirche und Schule – Mit 90 Jahren blickt Josef Granruaz zurück und voraus". Na publicaziun olache al partësc sües esperiënzes de vita y esperiënzes pastorales y olache al ó ince scassé sö i cristiagn, i invié da ponsé do y da chirí y coltivé le raport cun Dî.
Tl liber ciafon propostes por renforzé la Dlijia y la mantigní sterscia tl tëmp, recordanzes fora de süa vita, contribuc che al á publiché sön la plata dla cöra da Vahrn ti ultims 10 agn che al ê ploan laia y ala fin ciamó fotografies de süa ativité pastorala lungia. T’La Usc di Ladins portunse n iade al mëis na traduziun fora dal liber, che i ciafëis ince incö sot ala plata de religiun. Chi che oress avëi döt le liber, ciafa sëgn la verjiun digitala debann. An pó s’la desćiarié jö sön la plata dla Diozeja, sot ala misciun
https://www.bz-bx.net/de/dioezese-1/ordinariat/verwaltungsamt.html
Chësc desmostra ince la orenté dl autur, che n’é nia chëra da arjunje n davagn, mo dantadöt da slarié fora le contegnü y trasmëte insciö le valur y la belëza dla fede cristiana.  (pablo)