La Usc di Ladins

Do mëisc che al é gnü dit y scrit di laurs pro la scolina da La Ila, s’arjignon sëgn tosc da mëte man. Y deache la frabica gnará trata jö y al sará en general bindebó de cantier, á le Comun de Badia messü fistidié da ciafé n’alternativa, che é garatada te calonia de paisc. Bele tles ultimes edemes él gnü lauré cotan por adaté i locai y chisc dis án fistidié da trasferí tla sënta nöia döta la meblaria y i materiai che an adora. Do les vacanzes da Carlascé metarán man l’ativité ti salamënc nüs. Y por da d’altonn él ince chi dla scora elementara che mëss fora, deache la frabica vëgn ressanada de planta.

I un baié cun l’assessur Werner Pescosta. Deplü ves dijunse t’La Usc di Ladins di 16 de forá  (pablo)