La Usc di Ladins

Le proiet cultural y teatral »phōnē« á fat tapa tl Südtirol, portan sön paladina a Bornech la pröma rapre­sen­taziun ladina. Chësc proiet, sostigní en gran pert dala Uniun Europeica, á porté adöm y lié te na colaboraziun ot mendranzes linguistiches dla Europa, che á podü se baraté jö y se conësce damí tres n partenariat tla categoria de teater profescionistich. Insciö s’ára porté pro che i partners dl grup ladin dles Dolomites deventass le grup lin­guistich sorb y le grup jiddisch; chisc s’á incunté  ai 22 de merz 2024 söl palch dl Stadttheater da Bornech por porté dant deplü cerces de sües produziuns teatrales.

Tl evënt dla »International Night« ti á le teater da Bornech lascé la paladina ai dui grups, la compagnia teatrala dl Teater Todësch-Sorb da Budyšin/Bautzen tla Germania y la compagnia ebraica dl »Teatrul Evreiesc de Stat« da Bucarest tla Romania.
En chësta serada á le teater da Bornech ince ospité la pröma dl teater »Calígula« dl scritur ladin Iaco Rigo. Chësc toch se desferenziëia da sü ultims por les tematiches tratades, che n’é en chësc iade nia liades particolarmënter ala ladinité, mo che ciafa n eho global.

Liede deplü tla ediziun nöia de vëndres 29 de merz !