La Usc di Ladins

"Jumpstarter" á inom la majera fiera asiatica a Hong Kong, che porta adöm cënc de imprejes start up, finanziares y tecnologiches da döt le monn. Ara vëgn organisada dal Alibaba Entrepreneurs Fund, che fej pert dl grup Alibaba – na multinazionala cineja cun passa 220 mile lauranc y n volum d’afars de chi 100 miliarg de euro. La ediziun de "Jumpstarter 2025" á albü al zënter les tematiches dla Inteliënza Artifiziala y dla sostenibilité y na pert importanta ê la "Jumpstarter 2025 Pitch Competition" – na competiziun de inovaziun, pro chëra che al s’á candidé passa 800 imprejes da döt le monn. Forsc podëise se damané ciodí che val’ de te ciafa lerch t’La Usc di Ladins? Deache danter les 5 finalistes de chësta competiziun s’á plazé na start up che á na gran merscia ladina.
I baiun dla firma "Optimuse" cun sënta a Viena, metüda sö dan da trëi agn da Dominik Pezzei da Lungiarü, Fabian Pitscheider de Badia y Felix Maximilian Hoffer da Balsan.

Nos se l’un cuntada cun Dominik Pezzei, che nes dij deplü dla inovaziun dla impreja, sciöche ince de sües impresciuns dla Cina. I podëis lí t’La Usc di 18 de aurí  (pablo)