La Usc di Ladins

La scora, les notes y les aspetatives de insegnanc y geniturs pó gonot deventé na gran presciun. Bele da pici insö él tröc che se aspeta de vigni sort de prestaziuns da ëi – sides te scora che pro plü ativités, sciöche por ejëmpl tl sport. Chësta presciun ne porta nia ma stress, mo pó ince compromëte le svilup y le bëgnester en general. Al ti vëgn porchël pité alternatives, olache ai pó ester ëi instësc y s’un sté saurí, zënza l’oblianza de porté prestaziuns.
De te posć pó por ejëmpl ester i locai olache le Sorvisc ai Jogn Val Badia pîta le "Laur davert por la Jonëza". Chiló ciafa mituns y mitans dala pröma ala terza mesana n local sconé, te chël che ai pó se möie zënza tröpes oblianzes, zënza valutaziuns y zënza aspetatives. Le "Laur davert por la Jonëza" pîta n ambiënt, te chël che ai pó tó instësc la dezijiun de sciöche ai ó passé so tëmp; ai á la poscibilité da tó pert ales ativités programades, mo ne é nia obliá a chësc. Ai pó ince ma se la ciacolé cun compagns o soghé al palé, a ping pong, a val’ jüch da mësa o te palestra; chësta liberté é essenziala por le svilup personal. Ti locai é dagnora presënc ince i colaboradus dl Sorvisc ai Jogn; ëi á tres na orëdla daverta por i debojëgns di mituns y dles mitans. 

Döt l’articul podëise lí t’La Usc di Ladins di 18 d’aurí, sot ala Plata dla Jonëza.