La Usc di Ladins

Danter i apuntamënc prinzipai dl artejanat de Südtirol, toca vigni ann indô le concurs di tistleri jogn, che vëgn organisé dal Ofize provinzial de Lernerat y formaziun da moaster artejan, en colaboraziun cun la Scora profescionala da Bornech y l’Assoziaziun provinziala di artejagn APA. Al concurs de chësc ann, tigní tla scora a Bornech, á tut pert 43 partezipanc, che â le compit da arjigné ca n toch artejanal de lëgn, cun la dificolté che se mudâ aladô dla classa che ai frecuentëia: da hocherli tradizionai cina a toc de design.
De bi resultac él ince garaté por i tistleri ladins. Tla categoria dla pröma classa á davagné le tistler Matteo Willeit da La Pli, che laora pro la firma de so paisc Frena Interiors. Tla categoria dla terza classa á davagné l’ater artejan jonn da La Pli Fabian Winkler, che laora pro la dita Möbel Mareo. N terzo post él garaté tla categoria dla secunda classa, cun Oliver Moroder da Urtijëi, che stüdia tla scora profescionala da Porsenú.

Deplü t’La Usc di Ladins di 2 de má  (pablo)