La Usc di Ladins

Ai 12 fe fauré ie passeda la ambulanza dla Crëusc Blancia tla sënta a Puntives cun n pazient che ne se n stajova nia bën, che n à pona mandà inant cun l’ambulanza do la vijita dl dutor.
Do marënda iel pona stat n ntervënt sun Mont de Sëuc, ulache un dai schi se ova rot l os dla cuessa. Do na cura contra l mel iesen julei limpea tl spedel de Persenon.
Dala 15:00 iesen julei sun Frea, ulache doi ëiles se ova trat na sciabla ora de luegia. Do avëi giapà la terapia contra l mel àn ciarià tramedoves tl joler y ie julei limpea a Burnech.
Ai 13 de fauré fòvel da julé sun l purtoi dla Marmolada: la zentrela de Belun ova damandà do l joler per un dai schi che fova frit ora de purtoi y se ova fat mel al spinel. L fova de bujën de l spusté scialdi rëit (l tenian fërm). N l à menà cun l joler tl spedel de Belun.
Dala 13.23 iel pona mo stat n ntervënt sun Plan de Corones: n’ëila de 60 ani se ova rot la giama y ova n drë’ mel. La melcapiteda ie unida meneda tl spedel de Burnech.
Ai 14 de fauré ie l prim ntervënt stat ntëur la 11:00, canche na ambulanza à menà adalerch a Puntives n pazient, che n à vijità y menà pona cun l joler a Persenon te spedel.
Dala trëi domesdi ie n ël tumà cun i schi sun n purtoi a Santa Cristina, perdan cuscienza. L dutor l à vijità y tëut la dezijion de l mené tl spedel de Persenon.

De plu tla edizion stampeda de La Usc di Ladins o sun l e-paper a paiament www.lausc.it/e-paper