La Usc di Ladins

L Ufize per la Cultura Ladina y la Junanza lascia a l savëi che la dumandes per n cuntribut provinziel per l’atività culturela 2020 muessa unì dates ju nchin ai 31 de jené de chëst ann

Nce chëst ann ti vëniel pità ai zitadins y ala zitadines la puscibltà de dé ju la dumandes diretamënter tla valedes a n cunlauradëur/na cunlauradëura dl Ufize Cultura Ladina y Junanza.

Chisc servijes vën pitei n juebia ai 30 de jené dala 16.00 nchin la 18.00 tla sala Raiffeisen dl chemun de S. Cristina, y ai 31 de jené tl Ufize Inovazion y consulënza (1. partimënt) dl zënter pedagogich a Picolin/Val Badia.

La dumandes possa sambën nce unì mandedes nchin ai 31 de jené per posta o pec ala Provinzia Autonoma de Bulsan-Südtirol, Ufize Cultura Ladina y Junanza 18.2, Str. Bottai n. 29, 39100 Bulsan (culturayintendenzaladina@pec.prov.bz.it). I formuleres ie da abiné sun la plata internet http://www.provinzia.bz.it/la/sorvisc-a-z.asp?bnsv_svid=1007900 o diretamënter tl Ufize Cultura Ladina y Junanza, Str. Bottai n. 29, Bulsan, tel. 0471- 417021.

Per nfurmazions plu a puntin n con’ dla pusciblteies de suvenzion, pudëis ti scrì a Culturaladina@provinica.bz.it o ti cialé ala plata www.provinzia.bz.it/cultura-ladina.

La dumandes de cuntribut per nvestimënc culturei, proiec culturei, ativiteies artistiches y per publicazions possa ënghe unì dates ju n chësta ucajion.

ASP/USP


FOTO: Cuntribuc Cultura Ladina: ancuntedes a Santa Cristina y a Picolin (Foto:USP).