La Usc di Ladins

Tan dalunc mëssi pa sté dales atres porsones?
Almanco n meter

Sce i á borjú?
Sura i 37,5 °C, telefoné al dotur de ciasa, ston te ciasa y NIA jí tl repart de pröm aiüt.

Pói jí te d’atri comuns?
NOU, ater co por situaziuns de nezescité.

Pói pa m’armöie por rajuns sanitares?
SCÉ, dagnora

Pói m’armöie por laur? Ince te n ater comun?
Scé, al vëgn consintí i spostamënc por rajuns de laur. An dess avëi para l’autozertificaziun dl Ministére

Sc’i sun defora dai raiuns cöci, pói pa jí zoruch?
Scé, al vëgn consintí da rové zoruch a ciasa.

Che mëss pa a vigni moda sté te ciasa?
Porsones vedles y porsones dal sistem imunitar atoché o cun patologies

Sarál pa mësses y d’atres funziuns religioses?
Nou

Pó pa bars, ostaries y restoranc sté daverc?
Scé, dales 6:00 ales 18:00, tl respet dles destanzes de n menter danter i cliënc.

Les gran botëghes y sperses de venüda?
Stlütes ti dis de festa y prefestifs, adinfora de chëres de alimentars.

Apoteches y para-apoteches?
Davertes normalmënter

Scolines, scores y universités?
Stlütes cina ai 3 d’aurí

Reuniuns, convëgns, evënc, manifestaziuns?
Proibis

Pubs, chinos, palestres, nodadoies, discoteches, museums, biblioteches?
Stlüc

Ofizi de comun?
I sorvisc essenziai y de prescia vëgn garantis.

Pói jí a cumpré ite?
Sce, öna na porsona por familia.

Pói pa jí da mi parënc a mangé?
Chësc n’é nia n spostamënt che vá debojëgn. La logica dl decret é chëra da sté le plü che ara vá te ciasa, por evité che le virus se taches inant.

Pói jí alaleria a me fá n spazier cun i mituns?
Sce, te posć olache al n’é nia ragrupamënc de porsones y dagnora mantignin les destanzes. Al n’é nia proibí da jí alaleria, mo al é tres da evité ragrupamënc de porsones (miné él porsones nia de familia, ó dí de porsones che ne vir nia tla medema abitaziun)

Pói jí a ti fá le guern a familiars de tëmp nia autosufiziënc?
Chësta é na condiziun de nezescité. Mo recordesse che i vedli é les porsones plü al prigo, porchël ciarede da les sconé le plü che ara vá da na infeziun.

Pói jí a cumpré ite te paisc?
Scé, chël pói, mo i boteghiers mëss fistidié da stabilí n numer mascim de porsones che pó ite tl medemo tëmp, y garantí la destanza de n meter l’un dai atri. Te vigni cajo é i supermarciá y i zënter comerziai stlüc sabeda y domënia.

Pó pa i liferanc rodé?
Sce, ai pó rodé.



 (Fontana: AGI - Agenzia Giornalistica Italiana)