#italiaveloce

Data

08 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Consei di Ministri a Roma á aprové n jop de 130 projec sot al moto »#italiaveloce« aratés strategics per l svilup
L plann di 130 projec aprové reverda en gran pert i setours dla mobilité, dla logistica y dles infrastutures. La Talia vuel arjonje i standarg tecnics y pratics de d’autri Statesc per ne per­de nia la »ferata« dla concorenzia­lité economica y potenzial de investi­menc esterns. Anter i 130 projec per na Talia plu asvelta él ence l sosten a n coliament plu efizient dla mobilité publica anter Südtirol y les autres provinzies/regions talianes, l assessour provinzial ladin Daniel Alfreider rejona dl potenziament dla linia dla ferata Franzensfest–Verona y la costruzion dl prum lot per l azes al tunel de basa dl Prener anter Franzensfest y Pruca.

Per la realisazion dl plann prejenté dal Consei di Ministri y dal Premier Giuseppe Conte, sciche ence da la Ministra per les infrastrutures Paola De Micheli, vegniral muet y investí endut 200 miliarg de euro. Ence la Velozité Auta sun les scines á sia lerch tl plann, al dess vegní laoré per potenzié les linies Genova–Roma (La Spezia–Pisa–Livorno), Bologna–Lecce, i colia­menc anter Roma, Ancona y Pescara tres passaji apenins eventuai, i coliamenc anter Roma/Napoli y la Calabria–Basilicata–Pulia (enchin Lecce) y l liam genoveis entourn Ventimiglia.  (Iaco Rigo)