La Junta Provinziala de Südtirol á aprové incö mertesc ai 10 de novëmber les desposiziuns por les iscriziuns ales scolines, che é gnüdes unificades por dötes les scolines: ladines, todësces y talianes.
Por l’ann 2021/22 podará les iscriziuns gní fates de jená, mo ma plü online sön le portal aposta.
Por ci che reverda les scolines ladines, podarán fá les iscriiziuns anter i 4 y 14 de jená 2021. Scrí ite pón mitans y mituns nasciüs danter i 01.09.2015 y i 31.12.2018. Informaziuns y ajornamënc gnará metüs sö plü inant sön la plata web dles scolines http://www.provinzia.bz.it/formaziun-lingac/scolina/default.asp An les ciafa ince te vigni scolina o tla direziun dles scolines al numer 0471 797117.
Por fá l’iscriziun ales scolines vál debojëgn de n account SPID o da ativé la cherta di sorvisc (Bürgerkarte). I geniturs di mëndri é inviá da ponsé adora assá. (pablo)
Scolines de Südtirol: iscriziuns ma plü online
Tl Südtirol él gnü uniformé les iscriziuns ales scolines. Por l’ann 2021/22 podarán ma plü les fá online. Al vá porchël debojëgn de n cunt SPID o da ativé la cherta di sorvisc.
Galaria retrac
View the embedded image gallery online at:
https://www.lausc.it/atualite/13933-scolines-de-suedtirol-iscriziuns-ma-plue-online#sigProId718b1dfc2b
https://www.lausc.it/atualite/13933-scolines-de-suedtirol-iscriziuns-ma-plue-online#sigProId718b1dfc2b