La Usc di Ladins

Vazinés, testés negativamenter (tles ultimes ores de transit) o varis (ti ultims 6 meisc): chisc é i contegnus dl Zertificat digital UE-Covid (pass vert), che jirà en funzion te Europa con l 1. de messel 2021. Duc i Statesc con na inzidenza sot i 75 (caji nüs sun 100.000 abitanc ti ultims set dis) vegnirà classifichés da messel inant sciche raion vert. I zitadins de chisc Statesc podarà rodé entourn zenza problems y restrizions con l Pass Vert. Enscì vegniral ence tout ju l’oblianza de test y la carantena anter chisc Statesc.
Restrizions vegniral empermò scrit dant y metù su per raions con na inzidenza dai 75 ai 150 (chisc passarà dal colour vert al colour arance), y samben per i raions cuecens che vegnirà osservés avisa dai autri Statesc per i spostamenc ite y fora dles persones.

 (Iaco Rigo)