La Usc di Ladins

Dai 15 de otober 2021 inant saral tla Talia de gran mudaziuns en cunt dles restriziuns cuntra le Covid–19: por jí a lauré, mo ince por jí ales proes de musighes y cors, oraral ester le Pass Vërt (al valará la regola 3G por le Pass Vërt: o ester vaziná, o testá negativamënter da 48 ores incá tres test antigenich o varis da mez ann incá da na infeziun de Covid–19).
Chësta regola valará ince por les uniuns de volontariat, y por jí ti locai y salfs a proa.
La regola valará ince por les ativités tles strotöres dla jonëza, tles ciases de formaziun y por les ativités culturales y soziales tl intern.

La bona notizia é: cun le Pass Vërt podará – sëgn te Südtirol, y bele da incö inant (11 de otober), daurí les discoteches, locai da bal y salfs de chësta sort, cun la capiënza dl 75% alaleria, y cun la capiënza dl 50% daite.

Por l’aministraziun publica él preodü sëgn indó le laur en presënza!  (Iaco Rigo)