La Usc di Ladins

Incö vá en forza le dovëi dl pass vërt tla Talia por le monn dl laur, tl publich y tl privat. Le pass vërt ciafa un/öna cun la variora, cun n test ofizial o cun la varijiun dala infeziun Covid–19. Le Stat Talian é rigorus de chësc vers, trö' deplü co por tó ejëmpl gran pert di Länder tla Ger­ma­nia. Zënza pass vërt ne fejon plü feter nia tla Talia, por avëi na vita normala convëgnel sambëgn... I »no vax« che n'ó dlungia ala variora gnanca se lascé fá vigni secundo de le test antigenich é sëgn tla smorzia y viará cun de gragn crüzi y tröpes limitaziuns. Lapró vëgnel por un o l'atra la sos­pen­jiun dal laur (preodüda sëgn n iade cina ai 31 de dezëmber 2021), ci che ó dí »degun paiamënt«, »de­gügn contribuc por la ponsiun«, »degöna rutina ciasa–familia–laur«... (Comentar de Iaco Rigo)