Apontin sun chest argoment, te chesta fana fersa che boi l é sutà ite ence l Comun General de Fascia, che chisc dis l se à “vadagnà” trei interogazions e n gran articol sul sfoi provinzièl con la cusa de fèr zensura.
Dut l é peà via da n servije de Pedies, l rotocalch video per ladin finanzià sul Pian de politica linguistica che vegn fora vigni setemèna e per chel che l Comun general
View the embedded image gallery online at:
https://www.lausc.it/atualite/17765-pedies-e-contra-l-green-pass-e-l-servije-sparesc#sigProIdffe72fce41
https://www.lausc.it/atualite/17765-pedies-e-contra-l-green-pass-e-l-servije-sparesc#sigProIdffe72fce41
La setemèna passèda un di servijes del program, dedicà a la manifestazions contra l green pass, à soscedà la reazion de jent e desvaliva segnalazions al Comun General.
En discuscion no l era l argoment, ajache l derit de opinion no pel vegnir neà, ma coche era stat fat l servije che no l documentèa demò l fat descheche cognessa fèr n giornalist, ma l ge dajea lèrga a posizions personèles, ajache tel test del autor Vincent Frattini vegnia sostegnù la rejons de chi che se remesc contra l green pass e vegnia intervistà la avocata ativa te la manifestazions la prejentan demò con sie titol profescionèl, lascian donca pissèr che la porte dant na posizion “neutrala” da esperta de derit.
L Comun General, conscidran l sforz fat dal medemo ent per sostegnir la campagna per i vazins e l fat che vegnia envià a se remir contra na desposizion del Stat, l à valutà de utol tor fora chest servije de Pedies da si canai social, più avisa la piata istituzionèla del ent e chela de ”TV Ladina” sun facebook, spetan la resposta de n parer domanà.
Enstouta la segnalazions é ruèdes da chi che é contra l green pass, che se à remì contra chela che l é stat conscidrà na zensura.
En cont de chest servije, la giornalista responsabola del program Stefania Povolo à dit “Sion n team e luron adum”, ma l’à ence confermà de aer metù su l’avertida
View the embedded image gallery online at:
https://www.lausc.it/atualite/17765-pedies-e-contra-l-green-pass-e-l-servije-sparesc#sigProIdffe72fce41
https://www.lausc.it/atualite/17765-pedies-e-contra-l-green-pass-e-l-servije-sparesc#sigProIdffe72fce41
Tel scambie de letres anter l procurador del Comun General, avocat Bepe Detomas, e l responsabol de Filmart Giacomo Gabrielli i toni se à uzà, col prum che à dit che fossa stat valutà se domanèr n parer a l’Avocatura del Stat per stravardèr i deric, i enteresc e l prestije del ent e l secondo che à responet che se al prum fal vegn manacià azions legales se piora la situazion a dan de na bona colaborazion.
Aldò de chest l é stat portà dant ben trei interogazions a resposta scrita: dal conseier provinzièl ladin del grop Fassa Luca Guglielmi al president del Consei provinzièl Walter Kaswalder; dal conseier de Fassa te Comun General Matteo Iori al president del Consei general Cristoforo Debertol e dal Grop Autonomisti Popolari sotescrit da Guglielmi e Kaswalder al president del Consei regionèl Joseph Noggler.
Per cont di sotscritores de la interogazion la azion del Procurador va contra l respet del derit de cronaca e de critica arsegurà da la Costituzion e fossa na zensura. Vegn ence domanà percheche no sie stat tout demez i servijes con “l’ideologia opposta”, che porta dant intervenc a favor di vazins, che Pedies aea fat ti meisc passé.
Per saer l svilup de la costion sarà da spetèr la respostes a la interogazion scrita.
(Lucia Gross)