La lita mët man

Data

24 de jené 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Incö litará i parlamentars (mandatars tla Ciamena y tl Senat) y i rapresentanc dles Regiuns/Provinzies le pröm iade por la suzesciun de Sergio Mattarella
Le Presidënt dla Ciamena di deputac Roberto Fico á cherdé ite por incö, do avëi aldí la Presidënta dl Senat Maria Elisabetta Alberti Casellati, le Parlamënt te sentada deboriada, cun la partezipaziun di delegá regionai/provinziai. La sentada metará man dales 15:00.
Por le pröm iade tla storia dla Talia Republica ará i inviá ala lita tla condiziun de carantena o isolamënt ciasarin por Covid–19 la poscibilité da dé jö süa usc te n drive-in te Piazza Montecitorio dan ala sënta dla Ciamena.
La lita da incö jará fora bunamënter a öt, deache i grups parlamentars ne s’é ciamó nia gnüs sön candidac che ess de bones chances por la suzesciun de Mattarella.
I dis che vëgn se cristalisaral fora val’ inom de papabli o papables. Scebëgn che Mattarella tin pro da dí che al ne arlungiará nia so mandat, él intenziun de protagonisć dla politica taliana da petlé che al fejes inant ciamó por set agn!