La Usc di Ladins

La regola che á valü cina inier é "na discriminaziun y n dann por l’identité dl:a möt:a" – insciö la pronunzia dla Consulta. Da chiló inant ciafará le:a möt:a le cognom de trami i geniturs tla secuënza da ëi concordada, o che chisc fej fora deboriada da ti surandé al:a möt:a ma le cognom dla oma o dl pere. Sce al ne vëgn nia fat fora l’ordin (secuënza) por le cognom, saral le licare che tolará na dezijiun en conformité dla iurisdiziun varënta tla Talia.
"La Curt Costituzionala á fat n vare important inant dl vers dla valianza efetiva de genn tl ciamp dla familia" – chësc le comënt dla Ministra dla Iustizia Marta Cartabia.  (Iaco Rigo)