La Usc di Ladins

Por chi che ó imparé ladin, él sëgn danman n stromënt nü. En mercui ai 4 de ma á l’Istitut Ladin »Micurá de Rü« presenté a Balsan i libri y le curs online dl »Curs de ladin por prinzipianc«, lauré fora da Ulrike Frenademez tla verjiun dla Val Badia y da Karin Comploj tla verjiun de Gherdëna. Na poscibilité implü por les porsones che ó fá i pröms vari te nosc lingaz y forsc imparé daimproía da le baié. Tröpes é les porsones da foradecá che s’á aciasé tles valades ladines – por familia, laur y ater – y tres maiú é ince gnü l’interes da imparé nosc lingaz, sciöche an vëiga dai cursc che l’Istitut Ladin pîta bele da cotan d’agn incá. Cun le »Curs de ladin por prinzipianc« vëgnel injunté la poscibilité da s’al imparé da ciasa y ince online. I se l’un cuntada cun les döes auturies, che nes á splighé la strotöra, la motivaziun y les novités.

T’La Usc di Ladins di 6 de ma podëise gní lassura deplü. Chiló ves pitunse valgünes impresciuns, fates jö da Stephan Ploner dl Istitut Ladin.

 (pablo)