La Usc di Ladins

Sides la cuantité co ince la conzentraziun de avanc (resć) de pestizig é carades – dij le stüde presenté dan chinescdé te sü resultac a Balsan. Al é gnü tut ca por le stüde scintifich 39 posć te Südtirol (dala Venusta al Unterland, da Balsan cina Porsenú) tla spana de tëmp 2018–2021, y le decremënt registré é sté dl 70%.
Por l’inrescida él gnü osservé 399 proes de erbes, al é gnü ciafé sö 39 sostanzes atives, la maiú pert de chëstes gnüdes dal’agricoltöra nia dalunc dai sic interessá.
"Canche an valutëia n prigo por sanité dla porsona, ne pón nia ti ciaré ala cuantité dles sostanzes che an abina, an dess tó ca dantadöt la conzentraziun de chëstes sostanzes. Te nosc stüde él gnü relevé cuantités cotan sot vigni livel de prigo y alarm por la sanité umana", á splighé Lino Wegher, Diretur dla Seziun Operativa de Medejina Ambientala dl’Aziënda Sanitara dl Südtirol.