L 21 de jené é n di da recordé tla Ladinia, ajache en chel di gnìvel despartì la Ladinia y sia jent. La Euregio Tirol ti dedicheia perchel – tl cheder dles Juebies dla Cultura dla Euregio – ai Ladins l proscim apuntament, metan duta la atenzion sun la despartizion ladina.
A cent agn da chel fat che à amarscé l davegnì dl popul ladin, encontaran a Bulsan tla Waaghaus (Kornplatz) en juebia ai 19 de jené 2023 da les 18:00 i sentimenc, la realté y les aspirazions de chi che viv encuei te Fodom, a Col y te Anpezo. An audiarà tesć enjignés y liec dal Istitut Cultural Ladin Cesa de Jan, anter la prejentazion de n valgunes cianties dl grup coral "Kropya".
L'entreda a la serada é debant.
100 agn de spartizion – Souramont danter Tirol Storich y Euregio
Ai 21 de jené 1923 ova l govern talian dezedù de destaché dal Tirol dl Süd i trei comuns ladins de Fodom, Col y Anpezo, i intergran tla Provinzia de Belum. Contra la volonté dla jent!
Galaria retrac
View the embedded image gallery online at:
https://www.lausc.it/atualite/22244-100-agn-de-spartizion-souramont-danter-tirol-storich-y-euregio#sigProIddbd8a09d5d
https://www.lausc.it/atualite/22244-100-agn-de-spartizion-souramont-danter-tirol-storich-y-euregio#sigProIddbd8a09d5d