Dl 2013 ova l ex minister Roberto Calderoli prejenté tl Senat na proposta de lege de iniziativa popolara per l’istituzion dles macroregions; la proposta che fova gnuda sotescrita da 64.000 zitadins prevedova la mudazion de trei articui dla Costituzion (116, 117 y 119) per permete a les Regions da se assozié anter eles te macroregions, tres leges regionales ratifichedes da referendums popolars. La reforma costituzionala poponuda da la Lega essa inserì tla Costituzion ence la previjion che la macroregion trateneie almanco l 75% dles coutes tretes ite sun si teritore. Chesta depositazion de proposta de lege fova gnuda interpreteda dai media sciche n tentatif de forza da mete sot prescion l govern zentral per n passaje maiour de competenzes aministratives. Al gniva cialé dantaldut a l’unificazion dles trei regions de Piemont, Lombardia y Venet che raprejentova n terz dla popolazion dla Talia y cheriova l 40% dl PIL nazional (con doi milions de imprejes che fova l mez dl total nazional). Da dì él che chi agn gniva chestes trei regions governedes da na coalizion de zenter–man dreta y na n president leghist.
Les eghes é entratant passedes a d’autri temps y fora de chesta proposta dl 2013 n’él sauté fora nia.
Liejéde do deplù tla edizion atuala de La Usc di Ladins!
Macroregion Nord?
Na "spada de Damocles" sun la Ladinia
Galaria retrac
View the embedded image gallery online at:
https://www.lausc.it/atualite/22251-macroregion-nord#sigProId2c63fa4dd1
https://www.lausc.it/atualite/22251-macroregion-nord#sigProId2c63fa4dd1