Impresciuns dla iluminaziun por siur Stefano

Data

05 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tröpa jënt d’Al Plan á tut sö l’invit da iluminé ciases, tëmples y crëps por "so" primiziant siur Stefano Trevisan
En la vëia dla Mëssa Noela de siur Stefano Trevisan él gnü tigní i Öspi te dlijia y dedó él sté la iluminaziun dl paisc, olache an á abiné la sëra cina sëgn plü bela dl isté. Tröpa jënt á tut sö l’invit da iluminé les ciases cun simboi religiusc y aodanzes. Tröc ince i crisć, caresc y cörs lominusc sön les falzades, sön les tëmples y ince sön i crëps. La jënt rovada adalerch a ti ciaré y che s’la spazirâ fora por paisc é stada cotanta. I ves pitun chiló valgünes impresciuns fotografiches, che é ma na picia cerna, deache iluminaziun êl cotanta deplü.

Mëssa Noela ince en streaming
Incö ai 5 de messé sarál spo la Mëssa Noela, che mët man dales 10:00. La mëssa é te dlijia, mo an pó ince ti ciaré sön le gran linzó metü sö pro paiun de paisc. Chi che ne sciafia nia da ester, á ince la poscibilité da ti ciaré en streaming te internet, tres le sorvisc dl team de Rai Ladinia. Sön so sít pón odëi la mëssa dal ví. Chësc é le link:
www.raibz.rai.it/la/index.php

Deplü sön chësc fin dl’edema particolar ciafarëise sambëgn ince t’La Usc di Ladins di 10 de messé.

© Fotos: Pablo Palfrader/La Usc di Ladins