L Tennis Club Urtijëi mët a jì n di de curs per chi che uel purvé a jughé, per uni età, zënza iscrizion y debant. Dai 19.09. nchin ai 22.09
L Tennis Club Urtijëi cun l istrutëur Alberto Cestarollo à plajëi de ve nvië a n curs per chi che uel purvé a jughé a tennis. L curs ie debant, zënza iscrizion y uni di dai 19.09. nchin ai 22.09. tl zënter dal tennis curì ora Runcadic.
- Dala 17:00 nchin la 18:00 puderà jì i mutons y mutans dla prima, segonda y terza elementera.
- Dala 18:00 nchin la 19:00 puderà jì i mutons y mutans dla cuarta y cuinta elementera y dla scola mesana.
- Dala 19:00 nchin la 20:00 puderà jì duc chëi y duta chëles do la mesana insù, unfat de ciuna età.
Vie a jughé cun nëus, te aspiton!
»Fitnesslandia« a La Ila
La seziun »fitness« dla Uniun Sport La Ila mët da jí fora por l’altonn na ligna de cursc por pici y gragn
Curs de Yoga cun Gabriel Prada vigni lönesc dales 19:30 ales 20:30 (mët man ai 12.09).
Curs de Streetstyle y Modern Dance cun Barbara Madei vigni lönesc
View the embedded image gallery online at:
https://www.lausc.it/manifestazions-y-evenc/20864-manifestazions-atuales-speziales#sigProId2622da7493
https://www.lausc.it/manifestazions-y-evenc/20864-manifestazions-atuales-speziales#sigProId2622da7493
Curs de ginastica 50+ cun Sofia Granruaz vigni mercui dales 16:30 ales 17:30 (mët man ai 21.09).
Circuit Training cun Giulia Cavallini vigni mercui dales 19 ales 20 (mët man ai 14.09).
Total Body Workout cun Elena Masutti, vigni vëndres dales 20 ales 21 (mët man ai 23.09).
Jüc de scuadra cun Emanuel Gravino (16+) vigni jöbia dales 20 ales 21.30 (mët man ai 22.09).
Bai de grup cun Elena Masutti vigni vëndres dales 19 ales 20 (mët man ai 23.09).
Curs da nodé por mituns dla scolina y dla elementara, da setëmber cina novëmber.
Dancing for kids por mituns dla scolina y elementara cun Jana Pallestrong vigni vëndres domisdé (mët man ai 30.09).
I cursc vëgn tignis tles palestres y tla nodadoia da La Ila. Les iscriziuns pon ma fá online sot www.uslaila.it. Por infos: fitness@uslaila.it.
Multiski: les iscriziuns é davertes
Le Ski Team Alta Badia organisëia ince en chësc invern »Multiski« por mituns y mitans dai 6 cina ai 9 agn. Les iscriziuns é davertes
Por imparé da jí cun i schi te na manira alternativa y plajora y arjigné i mituns y les mitans a pratiché chësc sport a livel agonistich, organisëia le Ski Team Alta Badia »Multiski«, n program de alenamënt che ne ti porta nia ma dant ai mituns y ales mitans le schi, mo ince ativités sportives alternatives, sciöche le snowboard, le jadiné y le hockey, le paslunch, le freestyle y le telemark.
Por che pa?
A »Multiski« pó tó pert i »Superbaby« (nasciüs dl 2016 y 2015), che fej alenamënt n iade al’edema, la sabeda, y i »Baby« (nasciüs dl 2014 y 2013) che fej alenamënt dui iadi al’edema, le mercui domisdé y la sabeda.
Iscriziuns y informaziuns:
Les iscriziuns mëss gní fates online anter i 15.11.2022 a chësc link https://forms.gle/1JWd1yAe1BgVmfv66. Por infos: info@skiteamaltabadia.it, 339 2975690 (Martina), 335 7875460 (Stefan) o 339 1433016 (Thomas).
125 agn Stödafüs d’Al Plan
En gaujiun dla segra festejëia i Stödafüs d’Al Plan le iubileum de 125 agn. Dui dis de festa, cun la presentaziun de n liber
Ai 10 y 11 de setëmber fej i Stödafüs d’Al Plan festa por i 125 agn dla uniun. An mët man la sabeda ai 10 dales 18:00 pro paiun de paisc, te na sëra abelida cun la musiga de »Alexander dal Plan & Band« y dedô cun la »Keller Band«.
La festa cun at ofizial é spo la domënia ai 11 de setëmber, segra d’Al Plan. Stödafüs, ghesć d’onur
View the embedded image gallery online at:
https://www.lausc.it/manifestazions-y-evenc/20864-manifestazions-atuales-speziales#sigProId2622da7493
https://www.lausc.it/manifestazions-y-evenc/20864-manifestazions-atuales-speziales#sigProId2622da7493
Conzert a Santa Maria
Le Cor Kerygma de Badia inviëia chësta domënia ai 11 de setëmber a n »Conzert a Santa Maria« te dlijia de Badia
Deplü é les festes de Santa Maria che toma ite de setëmber: ai 8 vëgnel recordé la Nasciüda de Maria (Picia Santa Maria), ai 12 l’Inom de Maria. Por chësta ocajiun él le Cor Kerygma de Badia che tëgn en domënia ai 11 de setëmber dales 20:30 n »Conzert a Santa Maria«, te dlijia da San Linert. Le Cor sot la direziun de Agnes Irsara gnará acompagné da Jakob Senoner ai orghi da botuns y Hannes Campei ala chitara. La dirighënta instëssa sonará ince val’ toc sön l’orghe. Le conzert vëgn abelí da tesć meditatifs de Sonja Schmidt.
Portina indô daverta trëi iadi al’edema
Da atira: orars nüs dla Portina por l’assistënza y la cura, tl Raiun Sozio-Sanitar Val Badia a Picolin
La Portina por l’assistënza y la cura tl’alzada a tera é daverta da sëgn inant trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00, tel. 0474 586123 tratan chisc orars.
Le team informëia sön düc i sorvisc sozio – sanitars y de assistënza, sön les poscibilités de sostëgn y alisiramënt, sön i aiüc esistënc, i dërc y dovëis, sön le sostëgn finanziar; al aconsiëia tles dezijiuns che é da tó y dëida da fá de vigni sort de domandes y d’atres pratiches burocratiches canche na porsona o n familiar adora le guern.
Scola de criatività
Iscrizions daviertes dai 19.09. dala 07:00 inant
De ndut saràl 30 ancuntedes de mierculdì domesdì, ulache chie che arà ueia puderà purvé ora a lauré cun materiai desfrënc, cumpaniei da artisć:tes y artejans che ti stajerà daujin i mutivan y ti dajan vel’ cunsëi. Chi che ulerà se smaché ite tl mond dla criatività unirà spartì su te doi grupes. Una sarà per sculeies:ées dla cuarta y cuinta elementera
View the embedded image gallery online at:
https://www.lausc.it/manifestazions-y-evenc/20864-manifestazions-atuales-speziales#sigProId2622da7493
https://www.lausc.it/manifestazions-y-evenc/20864-manifestazions-atuales-speziales#sigProId2622da7493
L’iscrizion ie daviertes dai 19.09. dala 07:00 inant mé per e-mail: lialaveta@gmail.com. Plu nfurmazions al numer 333.2515158.
Nadia Rungger tl Ciastel de Gherdëina
N juebia ai 15.09. dala 18:00 saràl da audì poejies dl’autëura per ladin y tudësch. Muderazion de Bruno Maruca y mujiga de Linda Rungger
Nadia Rungger scrij te n cuntat strënt cun l sonn. L ritm vën ora da sauc ti ferssli che romp chël a cie che son usei y gëura senificac nueves. Te si poejies per ladin y tudësch se ntercea l familier y l scuneciù, y i se muev te custelazions nueves.
Cun la muderazion de Bruno Maruca y la mujiga de Linda Rungger, saràl da audì Nadia Rungger n juebia ai 15.09. tl ambient sugestif dl Ciastel de Gherdëina.
La ntreda ie debant, n à mé drë’ de se lascé nuté su cherdan su l numer 351 7909920.
Altonn dediché al bëgnester cun Alta Badia Balance!
L’Uniun Giulan mët a jí plü iniziatives por le bëgnester de corp, mënt y anima, a La Ila y San Ciascian, dai 12 de setëmber al 1. de dezëmber
Le program mët man l’edema dai 12 ai 16 de setëmber cun leziuns de yoga, meditaziuns, tratamënc sonurs vibrazionai cun le sonn de ciampanes tibetanes... y tröp d’ater! Ai 20 de setëmber mët spo man n curs de »Ashtanga yoga«, ai 13 d’otober n curs de »Hatha yoga« y ai 27 d’otober n curs de yoga por ëres che aspeta. I cursc vá bun por düc i liví, ince prinzipianc. Dötes les informaziuns ciafon sön la plata web www.altabadiabalance.com o scrion n SMS al 340 8279116.
Ancunteda cun Hochgruber Kuenzer
La Lia per Natura y Usanzes y d’autra lies ambientalistes nvieia al’ancunteda cun l’assessëura provinziela ti Plans de Cunfin
»Do carant’ani y n valguna mpermetudes da pert de assessëures per l ambient dla Provinzia, iel gran ëura che l vënie metù sot a scunanza Saslonch y i Plans de Cunfin,« nscila la Lia per Natura y Usanzes, che ve nvieia nsci al’ancunteda cun l’assessëura provinziela Maria Hochgruber Kuenzer n lunesc ai 12 de setëmber dala 15:00 ti Plans de Cunfin. Dala 14:00 vëniel pià via dala stazion dla curieres sun Pana.
Chësta scumenciadiva vën sustenida dala Lia per Natura y Usanzes, grupa Nosc Cunfin, Lia da Mont de Gherdëina, Heimatpflegeverband Südtirol, Dachverband für Natur und Umweltschutz, Alpenverein Südtirol, Vereinigung Südtiroler Biologen, Climate Action, Arbeitsgemeinschaft für Vogelkunde und Vogelschutz y Tutela ambiente montano. Vosta prejënza ie de gran mpurtanza.
Mareo: Edema Europeica dla Mobilité
Dai 16 ai 22 de setëmber vëgnel recordé ince te Mareo la Edema Europeica dla Mobilité, cun deplü iniziatives, danter spazierades, workshops y na inrescida
Le program dl’Edema mët man cun na spazierada te paisc cun le grup de laur »mobilité« adöm cun la popolaziun, por conscidré deboriada i aspec dla mobilité, sües criticités y les poscibilités de intervënt. La spazierada é a Rina en vëndres ai 16 de setëmber dales 16:00 ales 18:00, a La Pli en sabeda ai 17 de setëmber dales 9:00 ales 11:00, a Al Plan ai 17 de setëmber dales 14:00 ales 16:00. An s’incunta dagnora sön plaza de dlijia.
La sabeda ai 17 de setëmber dales 17:00 él spo te palestra d’Al Plan n workshop por la popolaziun de dötes trëi les fraziuns, y le medemo de pëia ince ia na inrescida (online y sön papier), sön tematiches che reverda la mobilité te Mareo.
Dai 19 ai 22 de setëmber romagn spo la documentaziun sön la mobilité metüda fora te gran salf de Comun, olache la popolaziun é inviada da porté ite inputs, idees y soluziuns.