La Usc di Ladins

Dotours
Dutor Gherdëina
L dutor de servisc da n sada ai 08.10. dala 08:00 nchin la 08:00 daduman de n lunesc ai 10.10. ie l dutor Valentin Tröbinger de Sëlva, tel. 0471/773073, 335 6844944.
Doturs Val Badia
Le dotur en sorvisc tla Val Badia, tla fin dl’edema di 8 y 9 d‘otober, é le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L‘apoteca che ie de servisc ora dl orar ordiner de giaurida, da n vënderdi ai 07.10. nchin n vënderdi ai 14.10. ie chëla de Fie, tel. 0471/725373 (orar: 08:30-12:30/15.00-19.00, sada 08:30-12:30, stlut mierculdi domesdì. Turnus: sa. 08:30-12:30/16:00-19:00, du. 10:00-12:00)
Apoteca Val Badia
L’apoteca en sorvisc fora dl orar ordinar, dal vëndres ai 7 de otober dales 19:00 al vëndres ai 14 de otober ales 19:00, é chëra d’Al Plan, tel. 0474 501240.

Cursc
Atualmënter
Multiski á daurí les iscriziuns
Le Ski Team Alta Badia orga­nisëia ince en chësc invern »Multiski« por mituns y mitans dai 6 cina ai 9 agn. Al ne vëgn nia ma pité schi, mo ince ativités sportives alternatives sciöche snowboard, jadiné, hockey, paslunch, freestyle y telemark. Infos y iscriziuns: info@skiteamaltabadia.it.
Atualmënter
Nodé y atletica por mitans, mituns y adulc
Badiasport organisëia da otober cina ma cursc da nodé por mitans, mituns y ince por gragn. Curs por prizipianc lönesc domisdé, curs por progredis mertesc domisdé. Atletica vëgnel fat la jöbia. Le curs por adulc é la jöbia sëra. Infos y iscriziuns sot a www.badiasport.org.
Atualmënter
S’alené por jí cun les pels
Badiasport organisëia alena­mënc da jí cun les pels por jogn y jones dal 2009 insö. Fora por l’altonn gnaral fat alenamënc da salté y te pale­stra y d’invern jaran spo cun les pels 2 o 3 iadi al’edema. Por infos: posta@badiasport.org.
13.10.
Curs de Hatha Yoga
Curs de Hatha Yoga por düc i liví, cun Alexis Bassetto. Leziun de proa ai 13.10. dales 19:30, tla Ciasa dla Cultura a La Ila. Le curs mët spo man ai 25.10 y vá inant por 11 iadi, al cost de 165,00€ por i scric ite ala Uniun Giulan. Iscri­ziuns ala mail book@altabadia balance.com o SMS al 340 8279116.
14.10.
Emergënzes tl caje de pici mituns
Le Consëi de Formaziun da San Martin organisëia n curs de pröm aiüt, por emergënzes tl caje de pici mituns. En vëndres ai 14 d’otober dales 18:00 ales 22:00, t’Istitut Ladin a San Martin. Referënc é Sabine Falk y André Miri­bung. Infos y iscriziuns pro le Sorvisc Formaziun Val Badia al 0474 523110 o forma ziun.vb@micura.it
22.10
Curs de ultim aiüt
Les infermieres dl Raiun Sanitar Val Badia mët a jí n curs, olache an impara da socodí y da ti sté dlungia tla dërta manira a porsones che é tl morí. Le curs vëgn tigní anter 2 iadi: – A Badia, Ciasa Runcher, ai 22.10., dales 8:00 ales 12:00; prenotaziuns anter i 21.10. al 0474/586155, 8:00–9:30. – A San Martin, Istitut Ladin, ai 19.11., dales 8:00 ales 12:00; prenotaziuns anter i 18.11. al 0474/586128, dales 8:00 ales 9:30.
Atualmënter
Cursc de bal country y nia-country
L ie cursc uni lunesc tl »Fit­ness­­studio Move« a Puntives. La grupa dla Country Whisper Dance School à na pitla divijion pra chëla che l po’ balé pea mutons y mutans dai trëi ani insù. L vën nsenià coreografies per mujiga country y nia-country. Plu nfurmazions: Facebook: Country Whisper Dance School.

Avisc
Atualmënter
Picolin: portina por assistënza y cura
La Portina por l’assistënza y cura á orars nüs. Sëgn ésera daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it
Atualmënter
Contribuc ala »Sconanza di tiers«
I tiers á ma n travert su: scinché amur. Por se tó cura di tiers damana la uniun »Sconanza di tiers« dla Val Badia y de Puster do contribuc de buna man. Por gní mëmbri dla uniun pón paié ite n iade al ann 25,00€ sön le cunt IT 05 Q 08035 58242 00030020 9953. Por infos: Petra Alfrei­der, tel. 335 238 095 o https://tierschutzvereinbruneck.it.
10.10.
Marcià de Segra Sacun
Coche da tradizion uniràl chëst ann inò a se l dé l marcià tradiziunel de Segra Sacun, n lunesc, ai 10.10. dala 8:00 inant tres dut l raion da jì a pe y sun la plazes de Urtijëi. L sarà nce plu lies che pieta da maie y da bever.
15-16.10.
25 egn de fradaa
Ai 15 e 16 de otober l Comun de Sèn Jan festeja l cedean con Remseck am Neckar. Ai 15 da les 11 benvegnù a la delegazion todescia, descorsc e saluc sul Pont Remseck a Vich; da les 16:00 raida do l Troi de la Musega fin sun Ciaslir. Ai 16 de les 10:00 messa te gejia de Pera e da les 11.30 zerimonia te Comun de Sèn Jan.
16.10.
Ancunteda danter culeziunisć:tes
N se anconta n dumënia, 16 de utober dala 08:00 ala 13:00 tl foyer dla Cësa de Cultura Luis Trenker a Urtijëi.

Chino
Atualmenter
Al chino de Tieser
Insnet, vender ai 7 de otober e sabeda ai 8 da les 21:15 e domenia ai 9 da les 20:30 vegn moscià »Ticket to Para­dise«, domenia ai 9 da les 17:15 l é »Minions 2«, jebia ai 13 da les 21:15 l é »L’immen­sità«, vender ai 14 da les 21:15 l é »Moonage daydream«.
15.10.
»Joe der Film«
L film de Südtirol »Joe der Film« unirà mustrà n sada ai 15.10. dala 18:00 y dala 20:30 te Cësa de Cultura Oswald von Wolkenstein te Sëlva (y nia a Urtijëi, coche udù dant).

Sport
Atualmenter
Corsc de bal sui feres
I Pavei d’Arjent endreza n cors da d’uton per i bec de la scolina che vel emparèr a balèr sui feres, ogne mèrtesc e jebia a les 16:00 a les 16:45 al stadie de la giacia de Dèlba. Per info e iscrizions chiamèr Serena al nr 334 9317700.
Atualmenter
Corsc de aviament al hochey
L Hockey Club Fascia Falcons met a jir corsc de aviament al hockey debant per bec dai 5 ai 12 egn. I corsc vegn endre­zé te stadie da les 18:15 a les 19:00. Per info e iscrizions: info@fassafalcons.com o 0462 602499.
08.10.
Ciock Vedeler
La sozietà sportiva 3Esse de Soraga endreza en sabeda ai 8 de otober la gara de corsa Ciock Vedeler. I concorenc ponta demez dal ciamp de balon de Soraga da les 14:00, premiazions da les 17:00.
15.10.
HC Gherdëina vs. EHC Lustenau
L Hockey Club Gherdëina nvieia ala partida contra l EHC Lustenau n sada, ai 15 de utober dala 19:30 tl stadio Pranives te Sëlva.

Teater
09.10.
»Chalet Autonn« a S. Cristina
La Lia dal Teater de Santa Cristina festejea chëst ann si 40 ani. Per chësta ucajion vëniel purtà dant n pez de teater da rì per gherdëina. »Chalet autonn« ie mo da udëi, for te Cësa de Chemun a S. Cristina, doduman dumënia ai 09.10. dala 17:00,  ai 11.10. dala 20:30, ai 13.10. dala 20:30, ai 15.10 dala 20:30 y ai 16.10. dala 17:00.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
11.10.
Df: dut feminin. La eles zipièa e les zipia amò
Dales 20:50 ca. Duc cogno­scion la gran tradizion del zipièr te Gherdena, chel che aboncont no se é vegnui a saer tel temp l é che l é stat na gran lingia de eles che à emparà enscin da picoles a zipièr per didèr fora la familia. Te chesta puntata duta al femminin jon a descorir zeche de più su n auter toch de storia da pech descorì. Program de Cinzia Pistoia, a cura de Anna Mazzel.
12.10.
I bosc y lëgns tles Dolomiti Unesco
Dales 20:50 ca. Do la tampe­stèda Vaia e i mudamenc climatics i bosć di raions ladins e de la Dolomites UNESCO, jà trop roiné, i é stac ence taché dal becherle, n inset che se encèsa sot la scorza di èlbres e l li morentea. Se é do a chierir soluzions per ge fèr front a chest rie problem, ence col didament del Servije Bosć e Fauna dela Provinzia de Trent e dela Fondazion Mach da Sèn Micel che la studia a livel scientifich sistemes per se parèr da chesta ciaa perico­lousa per la vita di èlbres. Program de Karin Pizzinini e Luciana Detomas, a cura de Anna Mazzel.
13.10.
Nosta scola
Dales 20:50 ca. Program de Lena Mulser y Hans Peter Karbon, a cura de Alessandro Dapunt.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.10.
Mumënc de vita: intervista a Cecilia Agostini
Dales 19:05. Cecilia Agostini é nasciüda y chersciüda sö tla Cesa Piazza a Col de Santa Lizia. Ara nes cunta dla vita te chësta ciasa storica y de süa familia y de süa esperiënza de laur tla Svizra. N program de Erika Castlunger.
12.10.
S75 Stories sun corda
Dales 19:05. La SITC Sozietà Increment Turistic Cianacei compiesc chest an 75 egn, si storia e soraldut la storia de la comunanza de Fascia cresciuda con la SITC vegn contèda tel liber »S75stories sun corda« de Olimpia Rasom. Program de Anna Mazzel.

Mujiga
08.10.
Cunzert da d’autonn dl Cor di Jëuni S. Cristina
L Cor di Jëuni S. Cristina nvieia dic a unì a scuté su l cunzert n sada, ai 8 de utober dala 18:00 nchin la 20:00, tla dlieja de S. Cristina.
10.10.
Trio di corni da mont »Ladinia«
L trio »Ladinia«, sunerà si corni da mont n lunesc, 10.10. tl raion da jì a pe de Urtijëi, dala 10:30 inant.
14.10.
SAUT live in concert
N vënderdi ai 14 de utober dala 20:30 inant saràl n cun­zert dla doi bands dl Südtirol »Last Chance« y »Beyond Hills« tl local di Jëuni SAUT a Urtijëi. La bands fej na tour tres Südtirol y l’Austria y se ferma nce tlo da nëus.
14.10.
Cunzert »Oswald auf Reisen« dl Trio Nobium
Oswald von Wolkenstein à viagià scialdi per un de si tëmps y fej nscì belau da guida turistica per chësc »viac mujighel«. L pez – sunà y ciantà, che pieta mujiga dal urient nchin al ozidënt sarà da audì ai 14.10. dala 20:00 inant te Tublà da Nives te Sëlva. Ntreda debant.

Iadi y Jites
13.11.
Iade a Abano Terme
Dala Val Badia demez cun coriera vëgnel metü da jí n iade de palsa y cura a Abano Terme, dai 6 de novëmber ai 13 de novëmber 2022. Informaziuns plü avisa pó interessades y interessá pié do pro Monica, al nr. tel. 0474 590069.
15.10.
Jita dla Lia da Mont cun törggelen
La Lia da Mont nvieia a na jita danter Gossensaß y Ster­zing. Da fé saràl za. 350 m de deslivel y da jì feter 4 ëura. Ala fin uniral mo jit a »törg­gelen«. Per plu nfurmazions: Monica al 339 6563015. Per se nuté su: Ciofs Inge a Urtijëi, Sport Bruno Riffeser te Sëlva y Sport Malsiner cësa Soriva.
22.10.
Viac a Gardaland
L local di jëuni SAUT mët a jì n viac a Gardaland per sculeies:ées dala segonda scola mesana insù. L unirà pià via dala 09:00 te Sëlva, a S. Cristina dala 09:05 y dala 09:15 a Urtijëi. De viers de cësa uniràl muet ntëur la 19:00. La iscrizions vën tëutes su tl ufize dla Nëus Jëuni. Da paië ite iel 40€ o 13 ponc JAWA.

Temp Lede
Atualmenter
Escape Room ta Dèlba
»Fora!« l é la pruma Escape Room de Fascia averta te la veia scoles mesènes de Dèlba, per endrez de la Coprativa sozièla INOUT. Per info e prenotazions chiamèr l 366 4246874 o scriver a escape@inoutfassa.com.
01.10.-23.10.
Culinarium Urtijëi
De plu restauranc de Urtijëi pieta na bela esperienza culinaria ntan l mëns de utober. Na cëina rafineda, spëisa tradiziunela o pizza? Pudëis mé crì ora. La strutures che fej pea ie da abiné sot a www.valgardena.it.
Atualmenter
Oraries Museo Ladin de Fascia
L Museo Ladin de Fascia a Sèn Jan resta avert al publich enscin ai 11 de otober da les 15:00 a les 19:00.
14-16.10
La Bira te Fascia rua a Poza
L Festival de la bira artejanèla da mont é endò vertech per sporjer l apuntament spetà per cercèr la produzions de calità tel nef event da d’uton. En vender ai 14 e en sabeda ai 15 de otober l tendon de Poza sarà avert da les 16:00 a les 24:00, en domenia ai 16 da les 10:00 a les 20:00. No mencià.
08.10.
Cores da mont
En sabeda ai 8 de otober da les 21:00 al PalaDolomites de Ciampestrin l Coro Nosc endreza la 3^ edizion de la rassegna de cores »Ousc da Mont« con la partezipazion de I cantori de Verméi e del Cor Negritella.
22.10.-29.10
Ena de cures y aurela curta
L KVW de Sëlva pieta da sada ai 22.10 nchin sada ai 29.10. inò n’ena de cures y aurela curta a Montegrotto Terme tl Hotel Antoniano****. L unirà furnà da Sëlva demez cun la curiera. Per se lascé nuté iel da cherdé su Rudolf Mussner, al numer 335 6380973. L possa nce unì pea chi che ne n’ie nia cumëm­ber:ra dl KVW de duta Gherdëina.
09.10.
Lis dal Vera »Do l vièl del saer«
La Biblioteca Ladina de la Majon di Fascegn endreza la vijita teatralisèda »Lis dal Vera vel te dir vèlch« co la regia de Ilaria Chiocchetti. L event vegn metù a jir ai 9 de otober sa l Vera, sora Penìa, doi outes: da les 14:00 e da les 16:30. Ge vel se prenotèr dant dai 8 de otober al 0462 764267, ence Whatsapp.
09.10.
Segra sa Sacun
N ucajion de segra Sacun uniràl metù a ji na mëssa tla dlieja da Sacun, n dumënia ai 9 de utober dala 09:00. Da dedò uniràl mo pità velch da maie y da bever.
21.10.
Törggelen a Laion–Knollhof
La grupa Deberieda mët a ji n »törggelen« ai 21 de utober a Laion. N se anconta dan la Cësa de Paussa dala 14:00. Gën sce lascëis al savëi sce sëis leprò.
Uni mierculdi
Language Café – nglëisc
N se anconta uni mierculdi de utober tla biblioteca de San Durich dala 09:30 per s’la ciaculé per nglëisc cun Nicky y Martina.
Uni vënderdi
Language Café – spanuel
N se anconta uni vënderdi de utober tla biblioteca de San Durich dala 09:30 per s’la ciaculé per spanuel cun Chiara.
07. – 16.10.
Al Plan: Stlopeté dl paisc
I »Sportschützen« d’Al Plan organisëia indô le stlopeté dl paisc, ite a Ciamaor, dai 7 ai 16 d’otober, le vëndres dales 17:00 ales 22:00, la sabeda y la domënia dales 14:00 ales 22:00. Düc é dër bel inviá. Mituns pó stlopeté da 10 agn insö. Al é da davagné de bi pesć.
13.10.
Domisde cun jüc da mësa
La Biblioteca Sas dla Crusc inviëia a n domisdé d’aorela cörta cun jüc por döta la familia, deboriada cun le Spieleverein Dinx. An s’incun­ta en jöbia ai 13 d’otober dales 15:30 ales 17:30, te biblioteca a La Ila.
13.10.
Amisc dles erbes s’incunta
En jöbia ai 13 d’otober dales 20:00 él te biblioteca a Badia la incuntada di amisc dles erbes. An impara da conësce valgünes erbes che crësc tla natöra y sciöche an pó les adoré. Referënta: Helga Alton. Organisaziun: Biblioteca Sas dla Crusc.
14-15.10
Top Wine sun Sas Pordoi
En vender ai 14 e en sabeda ai 15 de otober al Refuge Maria sun Sas Pordoi 22^ edizion del Top Wine, la degustazion de vins più auta del mond. Ai 14 da les 14:00 a les 16:30 Masterclass sul Teroldego; ai 15 da les 10:00 a les 17:00 Simposio Top Wine col top de calità enogastro­nomica. Info e prenotazions: www.valdifassalift.it

Mostres y Ert
Atualmenter
»Enrosadira« te Museo Ladin
Te la sala Heilmann del Museo Ladin de Fascia se pel veder la mostra »Enrosadira« con la operes de Bepin Soraperra. L’entrèda é debant e la espo­sizion resta fora enscin ai 11 de otober. Dapò la vegnarà tramudèda te la senta del Liceo Artistich de la Scola Ladina de Fascia.
Atualmënter
Mostra de chertes dala front
L se trata de chertes che Louis Riffesser da Maciaconi à mandà a cësa ntan si perjunia tla Ruscia tla Prima Gran Viera tl 1915. La mostra ie da udëi tla biblioteca Tresl Gruber a Santa Cristina nchin ai 16.10. ntan i orares de giaurida (de lunesc iel stlut).
Atualmënter
Shop&Art Urtijëi
Plu o manco 50 artisć:tes mëterà ora si lëures te de plu vedrines de butëighes de Urtijëi. L plu bel unirà premià da na giuria. Sëuraprò puderà nce l publich ti dé si stima ala nstalazion plu bela y vëncer nsci de biei bonns.
07.10. - 10.10.
Mostra dl Fotoclub Gherdëina
La mostra sun l tema: »ECOSUSTENIBL? – Co fajons’a tl daunì?«, sarà da udëi tla sala dla vvmostres dla Lia Mostra d’Ert – Circolo. La vernissage ie n vënerdi ai 7.10. dala 20:00. Orars: vënderdi - dumënia, 10:00 - 12:00 y 16:00 - 18:00; lunesc de marcià de Segra Sacun dala 09:00 - 17:00.
Atualmënter
»Amor, mort y malan. Teater tl Tirol«
L Museum de Ciastel Tirol sëura Maran y l scultëur Wilhelm Senoner de Urtijëi nvieia ala mostra »Amor, mort y malan. Teater tl Tirol« tl »Rittersaal«. La mostra sarà da udëi nchin ai 20.11.

Religion
07.10.
»Komm und sieh!«
L Cunsëi de pluania de Urtijëi nvieia a na sëira cun i referënc Flavio y Lea Goller, ncuei vënderdi 07.10 dala 20:00 tl local di jëuni te calonia. L unirà scuviert la richëza y la belëza dl crëidum y la forza che l nes po’ de. Nviei a tò pert ie genitoresc y duc i nteressei.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
21.10.
Törggelen a Laion – Knollhof
La grupa Deberieda mët a jì n »törggelen« ai 21 de utober a Laion. N se anconta dan la Cësa de Paussa dala 14:00. Gën sce lascëis a l savëi sce sëis leprò.
Uni merdi
Marënda per over 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
07.10.
Colores e oujes del azet
Te la setemèna del azet en vender ai 7 de otober te sala de Consei de Comun de Sèn Jan da les 17:00 conferenza su l’Ucraina col professor Stefano Aloe e da les 19:00 te tendon apericena per la families ucraines e per chi che ge à dat alberch.

Mujiga
07., 08., 09.10
»Südtirol Filarmonica«
L’orchestra cun musizistes y musizisć de Südtirol cun cariera fora por le monn tin chisc dis indô sü conzerc: ai 07.10. a Toblach, ai 08.10. a Balsan y ai 09.10. a Maran.

Referac
08.10.
Serada sön le Gran Bracun
I Scizeri d’La Pli enviëia dër bel a na serada d’enformaziun sön le Gran Bracun, ai 8 d’otober ales 20:00, te Salf dles Manifestaziuns d’La Pli. La serada é por recordé i 440 agn dala mort de chësc mît. Referënt é Jep Agreiter.
10.10.
Referat sön le cör cun le dotur Pescoller
La Uniun dles Ëres da La Val y le Consëi de Formaziun inviëia düc/tes en lönesc, ai 10 de otober, dales 20:00 tl Salf dles uniuns a La Val al referat dl dotur Felix Pescoller dal titul: »Nosc cör, ci gran morvëia.«
14.10.
La familia se müda – se maridé o vire adöm?«
Le KVW y le Consëi de For­maziun da La Val mët a jí en vëndres ai 14 d’otober dales 20:00 tl salf dles uniuns a La Val le referat dal titul »La familia se müda – se maridé o vire adöm? Ci convëgnel pa?«. Referënt é l’avocat Chri­stian Pedevilla, che mostra sö les desfarënzies danter se maridé o vire adöm.