La Usc di Ladins

Dotours
Dutor Gherdëina
L dutor de servisc da n sada ai 09.03. dala 08:00 daduman nchin la 08:00 daduman de n lunesc ai 11.03 ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Ti comuns de Mareo y San Martin él en sorvisc tla fin dl’edema di 9 y 10 de merz la doturia Margarethe Mahl­knecht, tel. 349 0667034 o 0474 523018. Ti comuns da La Val, Badia y Corvara él en sorvisc le dotur Alberto Caretta, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 08.03. nchin n vënderdi ai 15.03. ie chëla de S. Cristina, tel. 0471/ 792106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 8 de merz dales 19:00 al vëndres ai 15 de merz ales 19:00, é chëra da La Ila, tel. 0471 847152.

Iadi y Jites
10.03.
Jita de schialpinism sun l Sextner Stein
La Lia da Mont Gherdëina nvieia a chësta jita ai 10 de merz. L se trata de na jita saurida de zirca 3 ëura. Iscri­zions y nfurmazions: 348 7803397.
14. – 21.04.
Cures y palses a Abano Terme
Dai 14 ai 21 d’aurí vëgnel organisé n iade cun le bus a Abano Terme. Al é da s’anun­zié anter le 1. d’aurí pro Monica Costa al 0474 590069 o le 348 9604485.
25.–28.04.
L ie mo lerch: viac de 4 dis a Augsburg, Ulm, Dachau y Ettal
La grupa KVW de Santa Cristina fej a l savëi che per l viac da d’ansciuda, y plu avisa dai 25 ai 28 de auril, iel mo vel’ lerch. Jënt nteresseda possa cherdé su Emmerich Senoner al 335 5713575.

Mostres y Ert
Atualmënter
Mostra »L troi« (Der Weg) de Helmuth Prinoth
La mostra dl artista de Urtijëi Helmuth Prinoth dal titul »Der Weg« – n ucajion dla espo­sizions »Kunst im Gang[e]«, sarà da udëi nchin ai 17 de mei, for dal lunesc nchin al vënderdi dala 08:00–12:00 y de juebia nce domesdi, 16:00–18:30.
Atualmënter
Opra de Hugo Vallazza
La lia culturela Tublà da Nives nvieia ala mostra de na panoramica dl opra de Hugo Vallazza, che resta davierta nchin ai 15 de merz, uni di ora dl lunesc, dala 15:00 ala 18:00.
Atualmënter
Culëures viandanc – Mili Schmalzl
L Circolo–Lia Mostra d’Ert nvieia ala mostra dal titul »Culëures viandanc« de Mili Schmalzl, tla sala dla Lia Mostra d’Ert a Urtijëi. La mostra resterà davierta nchin ai 31 de merz, dala juebia nchin la dumënia dala 16:00–19:00, de sada y dumënia nce danmesdi dala 10:00–12:00.

Avisc
Atualmenter
Bambi con »Ester tel cher«
La Sociazion Bambi sostegn na regoeta de bonaman per didèr i bec de Ester Palmieri, la femena da Valfloriana copè­da da sie om, che do se à tout la vita. Trei picioi anter i 5 e i 10 egn é resté orfegn. Chi che vel ge sporjer n didament i pel dèr na bonaman metan la causala »Ester nel cuore« sul cont con chest iban: IT97U 08184 34570 00001 0012200.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Iscriziuns ala scora de musiga – online
Les scores de musiga dla provinzia deura les iscriziuns por le proscim ann de scora, dal 1.03. cina al 31.03.2024. Les iscriziuns vëgn fates online tres le sorvisc dl’amini­straziun provinziala »myCivis« https://civis.bz.it/einschrei bung-musikschule L’azes al sorvisc vá tres SPID, CIE (cherta d’identité eletronica) o cun la cherta di sorvisc ativada. Informaziuns plü menüdes sön www.musik schule.it
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
08.03
L CGF festeja la eles che scrif
Anché, vender ai 8 de mèrz, dì de la eles, Servije Sozièl e Servije linguistich/culturèl del Comun General de Fascia endreza na scontrèda co la scritores de la comunanza che se à dat ju tel ciamp leterèr, per les fèr cognoscer e ge dir develpai. Te sala Grana del CGF da les 17:00 duta la scritores é envièdes a tor pèrt.
14.03.
Instà tl Bosch: iscrizions
L proiet per l instà Instà tl Bosch, per mutons y mutans dl 2017-2021, vën metù a jì dala Scolina tl Bosch, dai 08.07. nchin ai 30.08. dala 07:45-12:30. La iscrizions possa unì fates tres mail ai 14.03. dala 07:00 inant: info@canalescuola.it
15.03.
Repair Café
Smaché? Nianca da pensé! La Lia per Natura y Usanzes nvieia al Repair Café, na an­cunteda ulache n possa se lascé cuncé da esperc y espertes stofs, draps, guanc, aparac eletrics, rodes y bagli y nce lascé fé tai ai curtiei. L apuntamënt ie ai 15.03. dala 17:00 nchin la 21:00 tla Cësa de cultura de Sëlva.
15.04.
Instà Vif – iscrizions
L proiet per l instà Instà Vif, per mutons y mutans dl 2010–2017, vën metù a ji dai Chemuns de Gherdëina cun cin’ lies, dai 24.06. nchin ai 23.08. dala 08:30-12:30 o dala 13:30-17:30. La iscrizions possa unì fates tres l link o QR–code che n abina sun l julantin dat ora, ai 15.04. dala 20:00 inant.
18.03.–22.03.
Iscrizions »Ncantëur tl bosch«
La Lia Gaia mët a jì l proiet da d’instà »Ncantëur tl bosch«, per mutons y mutans dl 2018-2020 y na segonda grupa per i ani 2013-2017. L proiet va dai 24 de juni nchin ai 23 de agost, la prima doi enes a Puntives, pona 4 enes te Sëlva sun Daunëi y daldò inò trëi enes a Puntives). Orar: 8.00-8.30 nchin 14.00-14.30, pusci­bltá de unì a tò dala 12.30 (sun dumanda). La iscrizions vën tëutes su dai 18.03. nchin ai 22.03. tres l formular sun www.pro-gaia.net.
18.-26.03.
Pavël: iscrizions
L proiet per l instà Pavël, per mutons y mutans dl 2013– 2020, vën metù a ji dal VKE deberieda ai Chemuns; a Urtijëi dai 01.07. nchin ai 16.08., a S. Cristina y te Sëlva dai 08.07. nchin ai 23.08., for dala 07:30–14:30 y un n di nchin la 15:30. La iscrizions possa unì fates tres l portal VKE, for dala dala 07:00 inant: Urtijëi ai 18 y 19.03.; S. Cristina ai 25 y 26.03.; Sëlva ai 21 y 22.03.

Sport
09.03.
Slalom FIS Jëuni
L Schi Club Gherdëina à messù spënjer a n sada ai 9 de merz l slalom FIS Jëuni per la categuries aspiranc y iunior, mutans y mutons for sun l purtoi »La Ria« sun Ciampinëi. L fajerà pea i miëur jeuni de Südtirol, ma nce de de plu nazions. L vën pià via dala 9:10 daduman cun la prima manche. La premiazion ie ntëur la 13.00 japé dla Dantercëpies. L Schi Club Raiffeisen Gher­dëina nvieia duc i apasciunei de schi a unì a ti cialé a chisc campions jëuni.
10.03
Slalom Strënt
L Schi Club Gherdëina mët a ji n dumënia ai 10 de merz sun l purtoi La Ria n slalom strënt, che vel per l Campiunat regiunel dla categuria di mutons y la mutans danter i 14 y 16 ani. L vën pià via dala 9:15 cun la prima manche y riesc do cun la segonda. La premiazion ie ntëur la 13:30 japé de Dantercëpies. Duc i apasciunei de schi ie nviei a uni a ti cialé a nosc campions dl daunì.

Chino
Atualmenter
Al chino de Cianacei
Anché, vender ai 8 de mèrz da les 21:15 vegn moscià »La zona d’interesse«, sabeda ai 9 e domenia ai 10 da les 17:00 l é »Red«, sabeda da les 21:15 l é »Dune-Parte 2« e domenia da les 21:15 l é »La zona d’interesse« che vegn moscià ence jebia ai 14, mercol ai 13 enveze da les 21:15 l é endò »Dune-Parte 2«. Program su www.cinemacanazei.it.
Atualmenter
Al chino de Tieser
Insnet, vender ai 8 e sabeda ai 9 de mèrz da les 20:45 l é »Dune-Parte 2«, sabeda ai 9 da les 17:30 l é »Red« e jebia ai 14 da les 21:15 per »Il piacere del cinema« vegn moscià »Cento domeniche«. Program su www.cinematesero.com

Religion
09.03.
Ancunté Gejù - Santa Mëssa per families
L Cunsëi de Pluania de Urtijëi nvieia de cuer duc i jëuni y la jëunes, mutons y mutans, genitores y nëinesc ala santa mëssa dla families, ai 9 de merz dala 17.00 te dlieja de Urtijëi. Referënt: Vijo Pitscheider.

Temp Lede
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les staziuns fora por paisc. Infos y materiai da pié ia ciafon tl ofize turistich da La Val.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
Vigni mertesc y jöbia
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schipass o la cherta de plü dis.
Vigni mercui
La Ila: cun i schi ince da sëra
Sön la pista »Doninz« a La Ila pón vigni mercui jí cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
08.03.
Dolomites Dirndl Ski Day
Gherdëina festejea l di mun­diel dl’ëila ai 08.03. cun na manifestazion sportiva sun Mont de Sëuc: l Dolomites Dirndl Ski Day, cun na gare­jeda de slalom paralel. L’iscri­zions vën tëutes su tla Lia dl Turism de Urtijëi.
08.03.
Chino speziel
N ucajion dl di nternaziunel dl’ëiles mët la biblioteca de Urtijëi a jì na sëira de chino, n vënderdi ai 8 de merz dala 20:00.
08.03.
Di dl’ëiles tl Museum Gherdëina
N ucajion dl di nternaziunel dl’ëiles, ncuei ai 8 de merz, nvieia l Museum Gherdëina a na matinée, dala 10:30 nchin la 12:00. L argumënt de chëst ann ie destinns de ëiles de Gherdëina dl 18ejim y 19ejim secul. La ntreda ie debant.
8-10.03.
27^ Scufoneda
Dai 8 ai 10 de mèrz i Scufons del Cogo endreza la 27^ Scu­foneda con schièdes coi schi da telemark e raides con la cèspes sun Sèn Pelegrin e da sera con evenc gastronomiches te restoranc e bares de Moena e sul jouf.
10.03.
Spetacol de jogoleria su la neif
En domenia ai 10 de mèrz l grop de jogolieres de Circen­sema endreza n spetacol e n laboratorie de jogoleria sun Ciampac. L laboratorie per i bec picoi taca ite da les 10:30 e da les 11:30 l é l spetacol su la neif e sui giac de la neif.
11.03.
La Val: Depënje üs da Pasca
La Uniun dles ëres da La Val en colaboraziun cun la Ciasa dl parch Fanes–Senes–Braies mët a jí na sëra por imparé da depënje üs da Pasca cun lampostils. Al vëgn tigní en lönesc ai 11 de merz dales 20:00, tl pice salf a La Val. Referënt é Matteo Rubatscher. Prenotaziuns cina incö ai 8.03. al 345 0674756 o 0474 506120.
11. y 14.03.
Nos Ladins cun Egon y Helga
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 11 de merz pón imparé da jí cui schi da pas­lunch, cun Egon a San Cia­scian; ai 14 de merz a Badia él Helga che spliga deplü sön les erbes, les plantes y sciöche an pó les adoré. Infos y preno­taziuns sön www.altabadia.org o ti ofizi turistics dl’Alta Badia.
14.03.
Cun la gücia do le Tru di Artisć
En jöbia ai 14 de merz á düc la poscibilité da fá da sëra na roda cun les güces o les liöses do le Tru di Artisć, iluminé por l’ocajiun. An pëia ia dales 20:45 da Altin/La Ila demez, por jí cina a San Ciascian. Infos y prenotaziuns sön www.altabadia.org o ti ofizi turistics dl’Alta Badia.
14.03.
Bun de Gran Risa
En jöbia ai 14 de merz vëgnel tigní a La Ila l’ultim apunta­mënt de »Bun de Gran Risa«. Por l’ocajiun pón jí cui schi sön la »Gran Risa« bele dales 7 da doman, adöm cun i maestri de schi, y porvé da gní jö por n percurs de gigant sciöche da na gara de Copa dl monn. Dedô ciafon n bun gosté tla ütia »Club Moritzino«. Prenotaziuns sön www.alta badia.org o ti ofizi turistics.
15.03.
Memorial Tita e Marco
En vender ai 15 de mèrz la sociazion sportiva Bela Ladi­nia e l Socors da mont del Zenter Fascia endreza la 27^ garejèda de schi alpinism a cobies de net en recordanza de Tita Weiss e Marco Rasom. I atlec ponta via da les 20:00 te piaz Massar a Vich e rua fin sun Ciampedie sun n percors de 5 chilometres. Se pel se scriver ite do les 18:00 ence demò desche amatores.
15.03.
San Ciascian: laboratore sön i dinosaurs
Le Museum Ladin mët a jí n Laboratore creatif por mituns y mitans dai 4 ai 7 agn. Al vëgn tigní en vëndres ai 15 de merz dales 15:00 ales 16:30, tl Museum Ladin Ursus ladinicus a San Ciascian. Le laboratore é davert por 15 partezipanc. Le prisc é de 5,00€ a ce. Informaziuns y prenotaziuns por telefon al 0474 524020 o por mail a pre notaziuns@museumladin.it
15.- 23.03.
N’ena de mujiga »Rock the Dolomites«
Da n vënderdi ai 15 de merz nchin ai 23 de merz suneràl uni di te n’autra utia da mont su o lajù tl luech de Sëlva, d’uni sort de grupes de mujiga: ai 15.03. sunerà i Madax dala 16:00 inant pra la utia »Pra Valentini«. N sada ai 16 sunerà i Timbreroots tla Dantercëpies Mountain Lounge dala 12:30, dala 14:00 i Howlin’ Pussy Experience y dala 15:30 inant i Pëufla. Ai 17 jiràla inant pra la Utia Ciampac cun la grupa sun | sëida, dala 14:30 inant.
16.03.
Batadú di jogn
I Jogn da San Martin organi­sëia en sabeda ai 16 de merz le batadú di jogn, dales 16:00 inant tl salf di stödafüch a San Martin. Prenotaziuns anter i 12 de merz pro Natalie al 389 1815398. Cost: 15,00€ a scuadra (panin plü boanda).

Mujiga
8.03-17.03
Dolomiti

• 
•  

View the embedded image gallery online at:
https://www.lausc.it/manifestazions-y-evenc/26617-manifestazions-atuales#sigProIdbf205cd709

Ski Jazz
Anché 8 de mèrz taca l Dolo­miti Ski Jazz, da les 12 sun Ciampac con Marco Castelli New Organ Trio. Anter i con­zerc clou da sera: ai 9 al teater de Pardac Roberto Gatto Quintet; ai 14 al Pala­fiem de Ciavaleis Viva de Andrè; ai 15 da les 18:00 te Museo Ladin Alex Trebo e Manuel Randi e ai 16 gran final te Navalge a Moena con John Scofield Quartet. Pro­gram su www.fassa.com.
10.03.
»Sound of Südtirol« dla Grupa Choriosum
La Grupa Choriosum de Bulsan nvieia a si cunzert n dumënia ai 10 de merz dala 18:00 tla Cësa di Cungresc a Urtijëi. L unirà ciantà per ladin, tudësch, talian y nglëisc. La chertes–che costa 20,00 €–possen cumpré tl ufize dla Lia de Turism a Urtijëi o online sot a www.choriosum.it.
15.03.
Musicrimi: Zircus Musicus a Badia
En vëndres ai 15 de merz dales 18:00 él tla Ciasa Runcher a Badia le »Zircus Musicus Musicrimi«. Por ti presenté i stromënc dla Musiga ai mituns él gnü metü adöm n pice teater musical, adöm cun la scora elementara de Badia. Le teater vëgn soné dala Müjiga de Badia y cianté dai mituns dla scora. Al gnará daimproía presenté i stromënc. Düc é bel inviá, pici y gragn.
16.03.
Cunzert te dlieja: Renner Ensemble Regensburg
N sada ai 16 de merz puderàn scuté su l Renner Ensemble Regensburg, dala 20:45 inant tla dlieja de S. Cristina.

Teater
17.03.
A Tieser a teater
Per la rassegna »Il piacere del teatro« en domenia ai 17 de mèrz da les 20:45 te teater de Tieser la compagnia del Cactus de Perjen met en scena l spetacol »Il fantasma di Canterville« de Oscar Wilde.
12.03.
Sajon de teater de Fiem
Per la sajon de teater forin Fiem, en mèrtesc ai 12 de mèrz da les 20:45 te teater de Tieser la compagnia »Stiva­laccioTeatro – Teatro Stabile del Venet« met dant l spetacol »Romeo e Giulietta. L’amore è saltimbanco« con la regia de Marco Zoppello e i atores Anna De Franceschi, Michele Mori e Marco Zoppello.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
12.03.
Sport ladin
Dales 20:50 ca. Trasmisciun de Diego Clara y Hartmann Mairhofer, a cura de Leo Senoner.
13.03.
S-Link n saut tel mond digitèl: L turism 4.0
Dales 20:50 ca. L setor turi­stich te noscia valèdes l’à na gran lèrga, tant da tor ìte semper più inovazions. Rua donca ence da nos l turism 4 pont 0; n turism semper più »smart« che l se empreval di progresc tecnologics per portèr inant de neva prospetives per l davegnir. Program de Cinzia Pistoia, a cura de Anna Mazzel.
14.03.
Nosta scola
Dales 20:50 ca. Tl’edizion de merz sons jic a ti cialé al proiet de teater »inier y ncuei« tla scola elementera de Cortina d’Ampëz, metù a jì n culabu­razion cun l Istitut Ladin Cësa de Jan. Tla rubrica sota l udlon fej la nsenianta de ert y artita Sara Stuflesser na reflescion sun la mpurtanza dla creatività. Seuraprò ti ons fat vijita ala scolina de Al Plan de Mareo, ulache i mutons mpera a manejé i media digitei tres mesuns inovatives de furmazion. Tesc’ y cunzec de Lena Mulser, camera y tai de Hans Peter Karbon, a cura de Alessandro Dapunt.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.03.
L cor »Choriosum« cianta te Gherdëina
Dales 19:05. L ie n cor mpue autramënter, l cor »Chorio­sum«, che ie metù adum da 40 ciantarins mpue de dut Südtirol y che cianta sota la bachëta de Hannes Knolls­eisen. N inuem se ài fat per l »Sound of Südtirol« che i pieta ntan si raprejentaz­ions ma nce per i pop-songs, ulache i imitea i strumënc, nce i moderns sciche l synthesizer. L cor cianterà n dumënia, ai 10 de merz a Urtijëi y per n savëi velch deplù ons ntervistà la ciantarines Susi Moroder y Helene Demetz. Trasmiscion de Simon Moroder.
09.03.
Momënc de vita – intervista a Hannelore Miribung
Dales 19:05. Hannelore Miri­bung é chersciüda sö a La Val, ite a Coz y da 26 agn incá virera cun süa familia a Col de Santa Lizia, tla fraziun de Pian. Hannelore nes cunta dl laur sön le lüch da paur y dl paisc de Col de Santa Lizia. N program de Erika Castlunger.
10.03.
La storia di judieres
Dales 19:05. Cun la storica Elfriede Perathoner jons a de reviers tla storia per mparé a cunëscer na cultura mono­teistica che à abù na gran mpurtanza y nfluenza sun nosc mond, chëla di judieres. Da canche ai 7 de utober 2023 ie rumpida ora la viera danter Israel y Palestina descëida la storia di judieres inò l nteres coletif (prima pert). Trasmi­scion de Ivan Senoner.
13.03.
Ercabuan, i colores de la pesc: conflict e mediazion a scola
Dales 19:05. La giustizia ripa­rativa l’é na sort de risoluzion di conflic che se poja sul scuter e sul recognoscer l’autra per­sona te si emozions tres l didament de na mediazion. La Scola Ladina de Fascia à metù a jir n projet »Conciar int: conflic e mediazion a scola« che se poja apontin su la giustizia riparativa. En rejonon co la profesora Barbara Bonu e doi studenc Lorenzo e Martina che à tout pert adum a autra persones a n cors e à metù su »la scola riparativa«. Program de Anna Mazzel.
14.03.
La botëga de paisc
Dales 19:05. Zacan pitâ les pices botëghes de paisc dl döt, da guant a patüc por la ciasa a mangiaria, mo ince fí, patüc da scora, gais y tröp lapró. Incö á cotan de pices botëghes stlüt y val’ paisc é cinamai resté zënza na botëga. I baiun de chësta chestiun sides cun n boteghier, che cun i consumadus, fajon n salt dala Val Badia fina ia te Fascia. N program de Sara Frenner.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I pro­scimi termins é ai 14 y ai 28 de merz. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
08.03.
Jita a Persenon cun la grupa »Deberieda«
La grupa »Deberieda« nvieia a na jita a Persenon, ncuei vënderdi ai 08.03. N se ancon­ta dala 14:00 dan la Cësa de Paussa a Urtijëi. »Deberieda« ie na grupa cun ulenteres, per se ancunté danter persones che à problems psichics o de sozialisazion.
08.03.
Primules per n bon fin
Nce chëst ann mët l’ëiles dla SVP de Gherdëina a jì la azion dla primules per l di dl’ëila y chël che n trajerà ite ti jirà ala nrescida sun l crëibes. Ai 08.03. dala 08:00 inant: te Sëlva dan la butëiga Sartëur – a S. Cristina dala 08:30 inant dan la butëiga Maciaconi – a Urtijëi sun Pitla Plaza S. Antone, dala 08:30; n dumënia ai 10.03. a Runcadic y sa Bula, for do mëssa, dala 08:00 y dala 10:00.