La Usc di Ladins

Cursc
08.09.
Curs de Ladin
L Istitut Ladin Micurà de Rü mët a jì n curs de ladin per se anjenië ca per i ejams de ladin dla ntendënza y de trilinguism B2 y C1. L curs cun Karin Comploj va inant per de ndut 7 iedesc, de merdi y de juebia dai 08.09.- 29.09., for dala 17:00–19:00, tl Istitut Ladin Micurá de Rü te Sëlva. Info y iscrizions nchin ai 7 de setëmber, tel.: 0471 79 42 68, e-mail: furmazion.gh@micura.it.

19.09.
San Martin: curs da cujiné
La Uniun dles Patrones da San Martin y le Consëi de formaziun da San Martin organisëia n curs da cujiné cun Valentina Moling, sot al titul »Kochen trotz Alltags­stress«. Le curs é en sabeda ai 19 de setëmber dales 9:00 ales 13:00 tla ciasadafüch dla refeziun a San Martin. Iscriziuns anter i 11 de setëmber pro Gaby al 389 0834252.

Atualmënter
Line Dance
La lia ASD BaL Beat and Line mët a jì n curs de Line Dance per duc chëi che ulëssa scumencé a balé chësta sort de bal. N se anconta uni mierculdi dala 19:30 tla palestra dlongia la sënta di Destudafuech a Runcadic. Dai 16 de setëmber inant scumëncia nce l curs per mutans y mutons dai 7 ani insù, recunesciù coche materia de nseniamënt facultativa dala elementera de Urtijëi.

Iadi y jites
12.09.
Viac culturel: val Venuesta
L Kvw de Urtijëi/Runcadic nviëia ite duc i cumëmbri a na jita tla val Venuesta. N sada ai 12 de setëmber furneràn a Laas a ti cialé ala caves dl marmor. Do na bona marënda jiràn mo a Plaus a ti cialé ala dlieja de santa Monica y al Plauser Totentanz. N muev dala 6:30 da Plaza de Sant Antone demez. Per jì pea iel da paië 50€. Tl priesc iel laite la curiera, la vijites y la marënda. N possa se nuté su nchin ai 9 de setëmber tla butëiga La Flaura.

29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù »Salzburger Adventsingen« y a ti cialé ala »Salzwelten« a Hallstatt. L ie bele śën mesun resservé l post cherdan su Rudolf al 335 6380973. L priesc ie de 400€ per persona (per la majon singula 485€). I posć ie dant resservei ai cumëmbri y da dedò permò ai autri nteressei.

Religion
12.09.
La Val: preparaziun dl Bato
La Uniun dles Ëres Catoliches dl Decanat Val Badia inviëia i geniturs che á n viadú da batié, pers che aspeta, toc y totes, ala preparaziun dl Bato, en sabeda ai 12 de setëmber dales 15:00 ales 17:00, te salf dles manifestaziuns a La Val. Al vëgn aprofondí l’importanza dl sacramënt, presenté le ritus y splighé i simboi. Al é da s’anunzié pro Lucia al 334 3200396.

Dotor y apoteca
Dutor Gherdëina
L dutor de servisc dala 08:00 de n sada ai 05.09. nchin la 08:00 daduman de n lunesc ai 07.09. ie l dutor Giuliano Piccoliori de S. Cristina, tel. 0471 792282 o 348 3301004.

Doturs Val Badia 
Tla fin dl’edema di 5 y 6 de setëmber sarál en sorvisc ti cin’ comuns dla Val Badia le dotur Giovanni Crivellaro, La Ila, tel. 348 0014266.

Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 04.09. nchin n vënderdi ai 11.09. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).

Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 4 de setëmber dales 19:00 al vëndres ai 11 de setëmber ales 19:00, é chëra d’Al Plan, tel. 0474 501240.

Referac
11.09.
»Zënza limit« cun Omar Di Felice
Ai 11 de setëmber vëgnel tigní l’ultima serada dla linia »Zënza limit«, dales 20:30, tl salf dles manifestaziuns da La Val. Le ziclist Omar Di Felice cunta de sües aventöres cun la roda, che l’á porté cina tl’Antartida.

Sport
05.09.
Marcialonga Running
En sabeda ai 5 de setember l é la Marcialonga Running Coop con doi percorsc: 21 km da Moena a Masi per la mesa maratona e 26 km da Moena a Ciavaleis. Partenza da les 16:30 da piaz de Sotegrava, DJ set ja L Forn. Da les 14:30 da Piaz de Sotegrava ponta via i bec per la Mini Marcialonga Running.

12.09.
Cortina - HC Gherdëina
L HC Gherdëina se njenia ca per la proscima sajon: ai 12 de setëmber furnerai a Ampëz per jughé contra l Cortina tl Stadio Olimpico dala 20:30.

Musiga
04.09
Conzert de la Musega Auta Fascia
Vender 4 de setember da les 21:00 te piaz de Dèlba l é l conzert de la Musega Auta Fascia sot la bacheta del maester Fabio Riz. Dantfora defilèda fora per paisc.

04/11.09
Conzerc Musega de Poza
Vender 4 e 11 de setember da les 21:15 la Musega de Poza, vidèda dal maester Giancarlo Dorich, va en defilèda ju per strada de Meida e sona tel pavion de la manifestazions.

05.09.
Conzert di Kairós
Sabeda ai 5 de setember da les 21:15 tel piaz tedant al ofize di foresć a Vich cianta l grop Kairós con Alex Pederiva, Antonello Salvestrini, Tommaso Dondio e Samantha Pederiva.

04.09.
Al Plan: conzert dla Musiga da La Pli
La Musiga da La Pli tëgn conzert, incö vëndres ai 4 de setëmber dales 21:00, sön paiun d’Al Plan.

05.09.
Letizia Onorati a La Grenz
Sabeda ai 5 de setember da les 21:30 a La Grenz de Moena, tel chèder di evenc de Panorama Music, l é l conzert ‘Americas’, l projet musical de la ciantarina jazz Letizia Onorati.

10.09.
Conzert del Cor Valfassa
Jebia 10 de setember da les 21:15 te La Gran Ciasa a Soraga cianta l Cor Valfassa vidà dal maester Stefano Lazzer.

Chino
Atualmenter
Al chino de Tieser
Anché vender 4 de setember da les 17:15 l é »Coyote vs Acme« e da les 20:30 »Odissea«, domenia 6 da les 17:15 e lunesc 7 da les 21:15 l é »Coyote vs Acme«, mercol 9 da les 17:00 l é »Oceania« e da les 20:45 l é la proiezion de n film de Trent Filmfestival. Info: www.cinematesero.com

Avisc
04.09.
I Sons de la Dolomites sun Lujia
Anché, vender 4 de setember da les 12:00 ló da Mèlga Cianvere sun Lujia, per la rassegna de I Sons de la Dolomites, l é l conzert di Quinn Christopherson Trio.

06.09.
Festa di gnoches
En domenia ai 6 de setember la Musega da Vich endreza la festa di gnoches. Da les 12:00 te piaz Massar de Vich se pel cercèr i gnoches endrezé dai volontadives.

11-13.09.
Gran Festa da d’Istà
Dai 11 ai 13 de setember a Cianacei l é la Gran Festa da d’Istà. L tendon te Pareda aur en vender h. 18:30, h. 19:30 musega con i Groovezeichen; sabeda h. 19:30 musega con i Volxpower; domenia h. 10:00 messa, h. 15:00 Gran defilèda di gropes de folclor e musega fora per paisc, h: 17:00 musega con i Steirerpower.

10.09.
Picolin: consulënza »walk–in«
A Picolin vëgnel pité n walk–in, na consulënza sön alcohol, droga, nicotina, dependënza da jüch, dependënza dal cumpré ite, gaming, social media, ez. por jogn (cun y zënza geniturs) por adulc, familiars, insegnanc, assoziaziuns. La proscima é en jöbia ai 10 de setëmber dales 17:00 ales 19:00 tla ciasa dl Sorvisc ai Jogn basite, jö por stiga sön la man ciampa. Ara é debann, al basta passé, ince zënza termin.

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, pón contaté le numer 0474 410303 o scrí ala mail info@frauenhelfenfrauenbruneck.it

Atualmënter
Iniziativa di ëi de Puster
L’ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dante 2m a Bornech (Sternhof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

Uni merdi
Marcià tradiziunel di paures y di artejans
N merdi ai 8 de setëmber dala 19:00 nchin la 22:00, saràl per l ultim iede te chësc instà l marcià di paures y di artjenas tl zënter de Santa Cristina. Coche for uniràl prejentà n mestier da artejan y l ne mancerà nia ntratenimënt de mujiga.

Uni mierculdi
Ciaculon online–per ladin
La Union di Ladins de Gherdëina mët a jì »Ciaculon online« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEAMS« sun l computer y jì ite sot a chësc link: https://url-shortener.me/GIBM

Uni juebia
Ciaculon deberieda–per ladin
La Union di Ladins de Gherdëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla biblioteca »Anda Malia da Cudan« tla Cësa di Ladins a Urtijëi. Unide nce Vo!

Mostres y ert
Atualmenter
L’èrt é femena
Fin ai 15 de setember te Sala Resa del Comun de Pardac se pel veder la mostra de la Sociazion ‘La Voce delle Donne’ dal titol ‘ArtèDonna’ con operes de 17 artistes de Fascia e Fiem. Chest an ence n omaje a Giana Sommavilla con l’esposizion de sia operes. Oraries: 16:00-19:00, 20:30-22:00.

Atualmenter
Operes de Sieff a Soave e Lana
L artist da Ciampedel Matthias Sieff met fora sia scultures maestouses per dut istà tel zenter storich de Soave (VR), che con la mostra »Guardiani della storia« doventa n museo a ciel avert. Sieff met fora sia operes ence te la esposizion »Frauen/Donne« per endrez del Kulturverein K.art che restarà fora ti vidores de Lana fin ai 8 de november.

Atualmënter
Mostra »Grafika« tla galaria Raiffeisen a Bornech
Tla galaria Raiffeisen a Bornech, él da odëi cina ai 2 d’otober la mostra »Grafika«, cun laurs de Christian Piffrader, Elisa Alberti, Emily Oberschmied, Gino Alberti, Karl Egger, Karl Theo Stammer, Kuno Mayr, Linda Wolfsgruber, Lois Anvidalfarei, Markus Moling, Roberto Pallestrong y Thomas Walder. Orars: lönesc cina mercui 8:00 – 12:30 y 14:30 – 16:30; jöbia 8:00 – 12:30 y 17:00 – 18:30; vëndres 8:00 – 12:30.

07.09.
Memories of the Future
N lunesc ai 7 de setëmber dala 18:00 iel la giaurida dla mostra cun opres de Guido Sotriffer tla streda Pedetliva 10 a Urtijëi. Duc ie de cuer nviei.

09.09.
Mostra Unika
La mostra tradiziunela unirà giaurida n mierculdi ai 9 de setëmber dala 19:00 tl zënter dal Tennis de Runcadic/Urtijëi y jirà inant nchin ai 13 de setëmber. Chertes de ntreda giàpen diretamënter pra la mostra. Priesc (sëura i 18 ani): 12,00 euro.

09.09.
Enes dl’ert - Curs de ziplé
Per l’enes dl’ert mët la Lia dl Turism a jì n curs de ziplé per duc i nteressei. N mierculdi ai 9 de setëmber dala 9:30–12:00. Sce n uel fé pea muessen resservé na lerch.

10. y 12.09.
Unika’s long night »Pramëisa«
N juebia ai 10 de setëmber y n sada ai 12 de setëmber iel la nuet longia dla Unika. La cuega Carolina Moroder cujinerà da cëina y lieia l’ert cun la cësadafuech. Sun l menù iel cater derzedes cun cërn y de bon vins. Chi che uel viver na cëina speziela possa cumpré la cherters online sun la plata web dla Unika. Custimënt 100€/persona.

11.09.
»Piedies«
L Tublà da Nives nvieia ala giaurida dla mostra dl artist Laurenz Stockner »Spuren-piedies« te Sëlva, n vënderdi ai 11 de setëmber dala 19:00.

12.09.
Paradeiser
La galaria Vijion a Puntives nvieia a na mostra dal titul »Paradeiser« cun i artisć Julia Bornefeld, Florian Borkenhagen, Philipp Putzer y Mischa Sanders. La giaurida ie n sada ai 12 de setëmber dala 11:00.

13.09.
Open ateliers
N dumënia ai 13 de setëmber pòssen jì a ti cialé ala berstots de cater artisć de Urtijëi, l se trata de na manifestazion dl’enes dl’ert. Danter la 10:00 y la 18:00 ie la portes daviertes da Filip Piccolruaz tla str. Tresval 24, da Eric Perathoner tla streda Pinëi 7, da Valeria Stuflesser tla streda Digon 18 y da Pauli Moroder tla streda Sacun 121.

13.09.
Finissage dla Bienela Gherdëina
N dumënia ai 13 de setëmber iel sa Pilat y sun plaza Stetteneck a Urtijëi la finissage dla bienela dala 11:00-19:00.

Atualmënter
Vijites ai lauratueres dla scoles autes
La Scola Prufesciunela y l Lizeum d’Ert de Urtijëi fej pea pra l’enes dl’ert y pieta vijites menedes di lauratueres ntan l’ëura de scola. Chi che ulëssa fé pea, possa cherdé su y resservé na lerch.

Atualmënter
Mostra »con.tain #4«
L Circolo–Lia Mostra d’Ert nvieia de cuer ala mostra con.tain #4. La mostra resterà da udëi nchin ai 13 de setëmber, ti orars de giaurida: merdi–dumënia, 16:00 – 19:00 y de sada y dumënia nce danmesdì, dala 10:00–12:00. N dumënia ai 13 de setëmber saràl na vijita meneda cun la artista Katharina Schreiter.

Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.

Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente–momenti–mumënc«, che resterà davierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.

Atualmënter
»Corpi Santi« & »Gli eredi della solitudine«
Tla galaria Doris Ghetta a Puntives iel metù ora la mostra »Corpi Santi« de Pietro Moretti y »Gli eredi della solitudine« de Alessandro Twombly, che sarà davierta nchin ai 12.09.

Leteratura
04.09.
Prejentazion dl liber de poejies de Nadia Rungger
Nadia Rungger prejënta si liber de poejies nuef dal titul »cësa da lat dijes tu / milchhaus sagst du« n vënderdi ai 4 de setëmber dala 20:00 tl Tublà da Nives te Sëlva. Duc ie de cuer nviei.

Temp lede
04.09.
Fascia e i fumec
Tel chèder de la rassegna ‘Cianacei Campo Base’ vender 4 de setember da les 17:30 te piaz Marconi l é na scontrèda con i fumetisć Manuel Riz, Lucia Biagi, Enrico Macchiavello e l editor Riccardo Zanini che rejona de ‘Pirol’ l projet sostegnù da l’ApT de Fascia.

04.09.
Neva revista de fumec Pirol
En vender ai 4 de setember da les 17:30 te Piaz Marconi vegn prejentà la neva revista ‘Pirol’, stories e fumec de Fascia con i fumetisć Manuel Riz, Lucia Biagi e Macchiavello.

04. – 06.09.
Festa dl pan a Badia
Dai 4 ai 6 de setëmber vëgnel metü da jí a Badia la festa dl pan. Incö vëndres ai 4 pón tó pert a na escurjiun, indoman sabeda él na sëra dedicada al pan, cun cianties y stories; la domënia pón ciarcé spezialités cun pan te deplü üties. Dötes les informaziuns y le program ciafon sön www.altabadia.org

05-06.09.
Ènema e natura a Moena
Ai 5 e 6 de setember te Oratorie de Moena da les 10:00 a les 19:00 l é la terza edizion del Festival de Benstèr Olistich. I vijitadores podarà veder e tor pèrt a desvaliva prateghes: massajes, cristèlterapia, costelazions, yoga e ayurveda, reflessologia, osteopatia, pères, prodoc naturèi e èrbes.

06.09.
Mauro Varotto e la Marmolèda
En domenia ai 6 de setember da les 21:15 te sala de Consei de Sèn Jan, per la rassegna ‘Ad alta voce’ de Virna Pierobon, l é Mauro Varotto che prejenta sie nef liber ‘La lezione della Marmolada’.

06.09.
Segra de Runcadic
N dumënia ai 6 de setëmber festejeràn la Segra de Runcadic cun na mëssa dala 10:15, abelida dai ciantarins. Dopro saràl sun plaza la benediscion de doi auti nueves di destudafuech. La Mujiga da Bula sunerà sun plaza.

07.09
Lia di Filatelisć – ancuntedes
La Lia di Filatelisć, numismatics y vedla chertes de Gherdëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel‘ barat. La proscima ancunteda sarà ai 7 de setëmber.

Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò daviert uni mierculdi dala 15:00 nchin la 19:00.

08.09.
Notes, mans… e cher
En mèrtesc ai 8 de setember la Sociazion Bambi e l Comitat manifestazions de Soraga, con l sostegn del Comun, endreza a La Gran Ciasa n conzert de solidarietà per la neva vita de Paolo Feligetti. Da les 17.00 picol marcià de benefizenza e da les 20:30 conzert con i orghegn da mantesc de la Scola de musega Il Pentagramma.

09.09.
Vins alaleria
En mercui ai 9 de setëmber dales 14:30 vëgnel tigní na degustaziun de vins cöci de Südtirol, cun le sommelier André Senoner, pro i pra de Larcenëi a La Val. Prenotaziuns ti ofizi turistics dl’Alta Badia.

09.09.
Nos Ladins cun Davide
Tres l’iniziativa »Nos Ladins« pón descurí la vita y val’mistier dla jënt dla valada. En mercui ai 9 de setëmber pón tó pert a n curs da cujiné cun Davide, do na picia escurjiun a San Ciascian. Infos y prenotaziuns pro i ofizi turistics dl’Alta Badia.

10.09.
La Ila: domisdé cun jüc da mësa
Le pulmin di jüc dl »Spieleverein Dinx« storj pro en jöbia ai 10 de setëmber dales 15:30 ales 17:30 a La Ila. Te biblioteca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.

14-18.09.
Simposie Toni Gross
Dai 14 ai 18 de setember vegn endrezà l 7° Simposie Toni Gross con studenc che zipia ti paijes de Poza e Vich. Jebia 17 da les 20:30 meisa torona te sala de Comun de Sèn Jan su ‘Overtourism: turism de massa?’; vender 18 da les 10:00 restituzion operes te Liceo Artistich.

12.09.
Sellaronda Bike Day
En sabeda ai 12 de setëmber vëgnel tigní le Sellaronda Bike Day sön i jus de Frara, Sela, Pordú y Ciaulunch. Les strades incër le grup dl Sela restará stlütes al trafich motorisé dales 9:00 ales 16:00, y sará resservades ai ziclisć.

23.09.
Marëna por chi dl 1956 dla Val Badia
Ai 23 de setëmber vëgnel fat la festa de chi dl 1956 dla Val Badia. An s’abina dales 9:30 a Pederü, por jí sön Fanes. Lassö sarál na funziun/mëssa tla capela dlungia la Ütia Lavarella. Dedô sarál la marëna deboriada te ütia. Por chi che ó, él la poscibilité da se lascé mené sö cun le taxi. Prëibel s’anunzié anter i 18 de setëmber pro Gerhard al numer 335 1050408.

Soziel
11.09.
Sëira de nfurmazion dla Crëusc Blancia Gherdëina
Ai 11 de setëmber mët la Crëusc Blancia de Gherdëina a jì na sëira de nfurmazion per duc chi che ëssa nteres de fé ulentariat pra chësta lia. N se anconta dala 20:00 tl Zënter de Prim Aiut a Soplajes. N possa gën jì a scuté su, zënza messëi fé pea.

Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfurmazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.

Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.

Televijion y radio
08.09.
Sport ladin
Dales 20:50 ca. Test y conzet Diego Clara, produziun Zak, a cura de Alessandro Dapunt.

09.09.
Pizes dla Ladinia – segondo ciampanil dl Sela
Dales 20:50 ca. Test y conzet Manfred Stuffer, produziun Karbonvideo, a cura de Alessandro Dapunt

10.09.
Nosta scola
Dales 20:50 ca. Test y conzet Lena Mulser, produziun Karbonvideo, a cura de Alessandro Dapunt.

Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.