La Usc di Ladins

Le concurs internazional de dessëgn Raiffeisen é pro i majeri concursc de dessëgn dl monn. Dl 1993 él gnü porté ite tl liber "Guinness" di records y dl 2021 él gnü arjunt la bela zifra de n miliun de partezipanc, slariá fora por deplü paisc dl’Europa. Y te chësc miliun de partezipanc él bele da cotan d’agn incá ince i scolars dla Val Badia, olache les scores se barata jö a rotaziun. En chësc ann á tut pert les scores elementares y la mesana da San Martin y La Val, cun 293 partezipanc. Chisc á da se dé jö cun le tema "Descurí le mer", che podô ester de un n vers le gran monn sot ega ite – afascinant de un n vers y püch conesciü dl ater – sciöche ince les problematiches dl ajiamënt dl mer, cina a nosc contribut por che chësc abitat pois resté sann y se mantigní bun tl tëmp.
Ai 24 d’aurí él sté a San Martin la premiaziun dla scora mesana y dles elementares da San Martin, Antermëia y Lungiarü; ai 12 de ma él gnü premié i scolars dla elementara da La Val. I publicun chiló i dessëgns che á arjunt le pröm post de categoria.