La Usc di Ladins

Ence chest an i Servijes linguistics e culturèi, tel chèder de l’Aisciuda Ladina dedichèda a la toponomastica, à endrezà trei raides per descorir lesc, inomes e curiositèdes de nosc raion fascian.

La pruma raida la é stata vidèda dal menatroes Giorgio Poschiavin e dal secretèr de la Resserva de ciacia de Moena Leonardo Cocciardi. I à menà la jent do l veie confin fascian anter l Prinzipat vescovil de Persenon e chel de Trent, anter chel de Moena e de Soraga.

En sabeda ai 24 de mé l é stat enveze la seconda raida a pe vidèda dal menatroes Damiano Lorenz.   Chel che l é stat portà dant l é stat na spazirèda a pe da Tamion fin forin mont de Vich, rejonan de storia, toponomastica e devozion, compagné da la poejies de père Frumenzio Ghetta.

Fora da la poejia »La cianzon de la val de Fascia« de Francesco del Garber, vegn fora l inom de la terza raida, »a ciamorc sul jouf« peèda via dal Pordoi. 

Chiò vèlch retrat: se pel lejer dut su La Usc nr 21 dai 6 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Nicoletta Riz)