La Usc di Ladins

»Na ciasa por döta la vita«
Sot a chësc titul vëgnel metü a jí n de dla porta daverta tl Raiun sozio­sa­nitar a Picolin, indoman sabeda ai 24 de otober dales 10:00 ales 16:00
Le Raiun soziosanitar a Picolin deura sües portes, y inviëia a n iade de descurida partico­lar. Le motto dl de é »Na ciasa por döta la vita!«, deache le Raiun acompa­gnëia gonot les por­sones te fases de vita dër desvalies, zënza che an le sais.
Cun na ciacia al tesur fora por la ciasa, pó i pici y i gragn vijitadus descurí cater staziuns: 1) Nasce – mëte man bun la vita, 2) Mituns y jogn – crësce deboriada, 3) Adulc – vire bun y 4) Porsones de tëmp atives – bun acom­pagnades.
Indlunch él punc de informaziun, incun­tades personales y de pices sorpreses. Referac cörc completëia le program. Y deache la sanité y le sté adöm pó ince fá devertí, él da ciafé n calceto, na slackline, darts, batadú, jüc por i pici, libri, facepainting y de bun da mangé.

O/Modernt Chamber Ensemble
I Jëuni de Mujiga Gherdëina nvieia al segondo cunzert de chësta sajon, n merdi ai 27 de utober dala 20:00 tla Cësa di Cungresc a Urtijëi
L ensemble O/Modernt prejënta na gran cumpëida de pec sonors che se ncrujea. Chisc cuer duc i aspec de contradizions dinamiches: dala calma, nchersciadum y trascendënza nchin ala furia nteletuela y ritmica. L argumënt possa unì paredlà al caleidoscop: na secuënza de formes che muda tresora.
L sarà mesun cumpré na cher­ta soziela che vel per duc 10 i cunzerc. Granc: 100,00 €, jëuni nchin ai 26 ani: 60,00 €. Cumpran na cherta soziela giàpen leprò na cherta debant per un n cunzert. Priesc sin­gul: Granc: 20,00 €; jëuni da 14 ai 26 ani: 12,00 €. 
La chertes de ntreda ie da giapé pra la cassa y danora tl ufize dla Lia per l Turism de Urtijëi: tel. 0471 777 600 – ortisei@val gardena.it.

Nadel te na scatula dai ciauzei
Nce chëst ann vëniel metù a ji l’azion per ti purté mpue de legrëza a mutons de paejes pueresc. N possa dé

• 
•  

View the embedded image gallery online at:
https://www.lausc.it/manifestazions-y-evenc/32779-manifestazions-atuales-speziales#sigProId7fee4291f2

ju i pachetli dai 9 nchin ai 16  de nuvëmber te Gherdëina y tla Val Badia
Te Gherdëina vëniel fat pea pra chësta azion bele da truep ani incà y trueps sà bele nëut. Mpo uelen fé al savëi for inò de chësta scu­menciadiva. Mutons y mutans che se ncunforta sun chësta scincundes nen iel for assé. Pervia dla ujinanza al’Europa dl Est unirà la scin­cundes mandedes te chisc raions. N possa mplenì una o nce plu scatules cun de pitla scincundes, scrijan sun na etichëta sce l ie per n mut o na muta y per ciuna età: 2-4 ani, 5-9 ani o 10-14 ani. 
Adatà fóssel a les mplenì cun n mescedoz danter roba per scola, de igiena, velch da guant, ma zeche da se tripé ie for bënudù. I pachetli pòssen dé ju dai 9 nchin ai 16 de nu­vëmber tla trëi biblioteches de Gherdëina, ulache l ie nce da garat scatules uetes per chi che ne n’ëssa nia una adateda. Tla Val Badia puderàn dé ju i pachetli a La Ila pra Flatscher Alma, (Garni Ambria). Fajëde pea de trueps – l fej na gran legrëza!

Scola per la pesc GAIA se prejënta
La scola per la pesc GAIA se prejenterà n vënderdi ai 23 de utober dala 20:00 tl SAUT a Urtijëi
Da passa diesc ani incà se dàn ju cun i stu­desc, la nrescides y la ideies de pedago­gs co­che Maria Montessori, neuroscien­ziac co­che Gerald Hüther, storics coche Yuval Noah Harari y ispiradëures per l mudamënt coche Vivian Dittmar. Chësc ajache, au­tra­mënter de coche trueps pënsa, ne n’ie la scola Gaia nia nasciuda per gauja dla restrizions tl tëmp dl covid.
L fin dla lia ie scialdi plu sot: cuntribuì ala costruzion de na cultura de pesc, metan a jì na scola. Per l daunì iel nce pensà na academia.
Do la restruturazion sistemica dla lia cun Kathia Nocker, se identifichea la lia śën coche istitut per la furmazion ala pesc y ie cuntënta de pudëi se mustré per l prim iede a duta la populazion cun nfurmazions nteressantes y truepa fotografies.

Fin dl’edema da susc? Teater a La Ila
L’Uniun Teater La Ila inviëia da gní a ti ciaré al teater »Fin dl’edema da susc« sot ala regia de Erika Castlunger
Sön paladina él da odëi Ales­sandro Bonfanti, Emanuel Costa, Amy Crazzolara, Mar­co Moscon, Verena Pescoll­derungg, Andy Pizzinini, Ro­land Pizzinini, Sabine Ru­diferia, Tobias Stampfer y Su­­sann Tavella. Les rapre­sen­taziuns pëia ia incö y é: vën­dres ai 23 y sabeda ai 24 de otober dales 20:30, domënia ai 25 de otober dales 17:00, mercui ai 28 y vëndres ai 30 de otober dales 20:30, sabeda ai 31 de otober dales 17:00, tres tla Ciasa dla Cultura a La Ila. Prenotaziuns (ince por WhatsApp) al 352 0949399.

Mostra de Egon Rusina
L Tublà da Nives nvieia ala mostra di ultims cater zitlus de lëur de Egon Rusina. La giaurida ie n vënderdi ai 30 de utober dala 20.00
I dessënies spidlea la nrescida persunela dl artist, che se à ti ultims ani dat ju cun reflescions sun la relazion danter la persona y la natura y sun l’ejistënza dla persona sun l mond.
Rusina scota su i sucrëc plu ascundui de lëns, crëps, pisciadoies y partësc cun ëi i pensieres plu soc. Cun rispl y culëures pòrtel sun papier l balanz zite danter la sozietà d’al didancuei y l ambient. N balanz che vën for plu y plu a mancë, te n mond urientà de viers dl ndividualism y te chël che la persona pierd for plu y plu si sensibltà per cie che suzed ntëurvia.
La ntroduzion ie de Lukas Plancker.
La mostra resta davierta nchin ai 29 de nuvëmber, uni di ora dl lunesc dala 15:00 ala 18:00.