La Usc di Ladins

Religion
Atualmënter
Veles dl Cunsëi de Pluania
L ie tosc veles per l cunsëi de pluania. La pluania de Urtiëi nvieia duc chëi che ëssa nteres, a chëi che ti sta a cuer nosc crëidum y nosta pluania a se mëter a despusizion per l cunsëi. L basta cherdé su l nu­mer 371 4753670.
07.11.
San Ciascian: preparaziun dl Bato
La Uniun dles Ëres Catoli­ches dl decanat Val Badia inviëia i geniturs che á n viadú da batié, pers che aspeta, toc y totes dl decanat ala prepa­raziun dl Bato, en sabeda ai 7.11. dales 15:00 ales 17:00, a San Ciascian. Prenotaziuns pro Lucia al 334 3200396.

Radio
23.10.
Eilidh Pitscheider: »Cuntën­ta cun mi corp y mi vita«
La jëuna de 22 ani Sëlva à nvia via n percurs de transfor­mazion sessuela – da ël a ëila – y spartësc te chësta nter­vista si esperiënzes, tëmes y pro­spe­tives. Na testemu­nianza de n argumënt delicat, chël dl urien­­tamënt sessuel (»di­sfo­ria di genere«) che possa ju­dé chiche ie tla medema situa­­zion. Trasmiscion de Ste­fano Zanotti.
25.10.
Scandinavia te diesc destinazions, doi mënsc y cun trëi mutons
Mario Demetz y Katrin Ko­stner se à giatà n model de viagë cun duta la famila che ti buta: Home-Exchance, l ba­rat de cëses. Tla segonda trasmiscion nes conti di posć che i à udù tla Danimarca, Svezia, Norvegia y Germania. D’instà ài viagë cun si 3 ptili mutons baratan si ncësa cun d’autra cëses priva­tes. I conta de si mprescions, de coche i se l’à metuda a jì y dla cultures dl nord cun l’atrazions che i à udù y pudù viver. Trasmi­scion de Valeria Bernardi.

Temp Lede
23.10.
Juesc cun ava y nëine
La biblioteca Tresl Gruber de S. Cristina, deberieda cun la lia Trix mët a jì n domesdì de juesc cun aves y nëinesc, n vënderdi ai 23 de utober dala 15:00 nchin la 17:00 te bi­blioteca. L ie adatà per mu­tons:ans dai 5 ani insù.
24.10.
Turnoi de Batadù da 64
La grupa di artejans n pension dl LVH mët a jì n batadù da 64 tl self de Chemun a S. Cri­­stina, n sada ai 24 de uto­ber dala 14:00 inant. N possa se scrì ite l medemo di dala 13:00 inant.
30.10.
Domesdì de Juesc
La lia Trix nvieia a n domesdì de juesc da mëisa, n vënderdi ai 30 de utober dala 15:00 – 17:00 tla biblioteca Tresl Gru­ber a S. Cristina. L sarà da abiné velch per uniun:a!
31.10.
Batadù cun Frieda
Ai 31 de utober mët l KVW Urtijëi a jì n turnoi de batadù tla cësa dla lies de Runcadic. L turnoi scumëncia dala 13:30. N possa se nuté su da Frieda nchin ai 27.10. cherdan su l 338 6663333 o scrijan a bacherfrieda@gmail.com. Priesc: 10 € per cumëmbri, 15 € per nia cumëmbri.
06.11.
Spetacol de Mario Cagol
En vender ai 6 de november da les 20:30 te teater del Ora­torie de Poza l é l spetacol de Mario Cagol »Nonna Nun­zia, Spazio ultima dentiera«. I biliec vegn venui da la botei­ghes de sfoes Carpano e Pic­colo Bazar a Poza.

Televijion
Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
27.10.
Deboriada
Dales 20:50 ca.; Test y conzet Sofia Stuflesser, produziun Pen­npro, a cura de Leo Seno­ner.
28.10.
Salon Cultural 2026
Dales 20:50 ca. N program de Alessandro Dapunt, produ­ziun RAIBZ.
29.10.
Euro – magazin de economia
Dales 20:50 ca. Test conzet Diego Clara, produziun Zak, a cura de Leo Senoner.

Dotours
Dutor Gherdëina
L dutor de servisc dala 08:00 de n sada ai 24.10. nchin la 08:00 daduman de n lunesc ai 26.10. ie l dutor Michael Trocker de Urtijëi, streda Pro­meneda, tel. 388 2580002.
Doturs Val Badia
Tla fin dl’edema di 24 y 25 de otober, sarál en sorvisc ti cin’ comuns dla Val Badia la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 23.10. nchin n vënderdi ai 30.10. ie chëla de S. Cristina, tel. 0471 792 106 o 333/1776615 (orar de giau­rida 8:00-12:00/15:00-19:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 23 d’otober dales 19:00 al vëndres ai 30 d’otober ales 19:00, é chëra da San Martin/Picolin, tel. 0474 523020.

Teater
Atualmënter
»Dinner für Spinner« te Sëlva
La Lia dl Teater de Sëlva nvieia a unì a ti cialé al pez da rì per tudësch, che sarà da udëi mo n sada ai 24 de utober dala 20:30 tla Cësa de Cultura te Sëlva. Chertes danora: Lia dl Turism de Sëlva, 0471 779 00, o diretamënter pra la cassa dan l teater.
25.10.
Teater a Tieser
En domenia ai 25 de otober da les 20:45 te teater de Tieser la Filo L. Deflorian porta dant l spetacol de teater »L’equi­­­­voco«. Biliec su live ticket.it

Mujiga
23.10.
Na ciantia per Paolo
L Coro Nosc de Soraga, en cola­borazion col Coro Negri­tella e la Corala Sènc Piere e Paul, endreza anché vender ai 23 de otober da les 21:00 te gejia de Soraga na sera de benefizenza per la neva vita de Paolo: trei cores, n segn de vejinanza.
24.10.
Cunzert y mëssa ladina a Urtijëi
L cor y l’urchestra de dlieja de Urtijëi tenirà n bel cunzert deberieda cun l Chor de Viena Neubau, n sada ai 24 de utober dala 20:30 tla dlieja de San Durich a Urtijëi. L unirà purtà dant l Psalm 42 de Felix Men­delsohn Bartholdy, »Wie der Hirsch schreit« sot ala bacheta de Felicitas Schweizer. L or­gun sona Theodor Rifesser. I soli cianta: Sopran Priska Mal­siner, Tenor I Willy Rung­galdier, Tenor II Samuel Rung­galdier, Bas I Filip Pic­colruaz y Bas II Gebhard Piccolruaz. L Cor de Viena Neubau cianterà sot ala ba­chëta de Martin Guthauer.
25.10. 
Mëssa ladina a Urtijëi
Ai 25 de utober dala 9.00 cian­terà l cor de dlieja de Ur­tijëi deberieda cun l Chor de Viena Neubau la mëssa ladina »Messa per la Madona de Sël­va«, scrita da Stefan De­metz Sulé, sot ala bachëta de Martin Guthauer. Robert Vetter sunerà l orgun. I cian­tarins de Viena à mparà ite aposta la cianties ladines per cianté chësta bela mëssa.
30.10.
Sëira de bal populer per duc
La grupa Bal Populer Sëlva y S. Cristina, deberieda cun la grupa de bal de Ciastel, mët a jì na sëira de bal populer per duc: ai 30 de utober dala 20:30 tl self de Chemun a S. Cristina. L unirà mustrà bai scëmpli da pudëi fé do y balé pea.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön pre­notaziun. Contac: 0474 410303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dante 2m a Bornech (Stern­hof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-puster tal.it
Atualmenter
Burraco te biblioteca
L Assessorat a la cultura del Comun de Sèn Jan, en colabo­r­a­zion con la Biblioteca, en­dreza i domesdì de burra­co, ogne jebia da les 15:00 a les 17:00. Vegn domanà de se scriver ite al nr de telefon 0462 763062.
24.10.
Regoeta de fer e metai
Doman, sabeda ai 24 de otober, l Grop miscionarie Freinademetz passa ti paijes de Soraga, Vich, Poza e Pera a tor su fer, aluminue, oton, ram, fii de la lum. La roba cogn vegnir metuda jà da doman prest apede strèda che se la veide sorì. Dut chel che vegn tirà ite serf a didèr chi che à più de besegn.
27.10.
Scontrèda te Cèsa de Paussa
Tel chèder de la scontrèdes per la comunanza ‘Stèr apede 2026’ en mèrtesc ai 27 de otober da les 17:00 a les 18:30 te Cèsa de Paussa de Fascia l é l enconter dal titol ‘Semper online, semper più da soi’ con la psicologa Paola Maria Taufer. A la fin n picol maren­del de la Coprativa Oltre.
05.11.
Udienza cun la defensëura zivica
La defensëura zivica (Volksan­wältin) sarà da ancunté ai 5 de nuvëmber tla Cësa de Che­mun de Urtijëi dala 14:00 nchin la 17:00. N muessa se lascé scrì su chërdan su l 0471 946020.
06.11.
San Martin: udiënza dla defensuria popolara
La defensuria popolara o so sostitut tëgn udiënza a San Martin de Tor, tl salf di stöda­füch, en vëndres ai 6 de no­vëmber dales 14:00 ales 17:00. Por prenotaziuns cherdé sö le 0471 946020. La ultima udiënza dl 2026 é spo ai 6 de novëmber.
13.11.
Sëlva: se nuté su per la abineda de refudam gros
Ai 13 de nuvëmber iel udù dant l servisc de abineda de refudam gros n cësa. N possa se lascé nuté su nchin ai 9 de nuvëmber, cherdan su l 0471 112121. L refudam gros mues­sa unì njenià ulache l camion ruva saurì permez y l vën prià bel de vester leprò canche l vën ciarià. Priesc: 1,00€ + 10% CVN al chilo, che unirà metù leprò pra la conta dl refudam dl 2026.

Chino
Atualmenter
Al chino de Cianacei
Doman, sabeda ai 24 de oto­ber da les 10:00 a les 17:00 vegn endrezà n workshop ar­ti­stich con Mariachiara Con­trin »Percezion, identità e relazions«, da les 21:00 l é l conzert »Queen–The Great show« spetacol dedicà a la musega di Queen, jebia ai 29 l é l docufilm »Va’ sentiero«, 7.887 chilometres a pe travers la Tèlia.
Atualmenter
Al chino de Pardac
Domenia ai 25 de otober da les 17:00 l é »L’isola dei ricordi« e da les 21:00 l é »La bambola« Mèrtesc ai 27 de otober da les 21:00, en colaborazion con l MUSE de Pardac, vegn moscià »A bear remember«, mercol ai 28 da les 21:00 l é »La bambola«, sabeda 31 da les 21:00 l é »Ragione e senti­mento« che vegn moscià ence en domenia al prum de no­vember.
Atualmenter
Al chino de Tieser
Insnet, vender 23 de otober e doman sabeda 24 da les 21:00 l é »Ragione e senti­mento«, jebia 29 da les 21:00 l é »Santiago«, vender 30 da les 21:00 e sabeda 31 da les 18:00 l é »Dio ride«.

Cursc
24.10.
Laboratore de scritöra cun Nadia Rungger
Indoman sabeda ai 24 d’otober dales 14:00 ales 18:00, tl Mu­seum Ladin Ciastel de Tor a San Martin. Vare por vare, parora por parora ti junse pormez al scrí te n’atmosfera de coriosité y ispiraziun, na lerch por partí pinsiers, por ascuté sö cun atenziun y dí la süa, por s’la rí deboriada te na bela compagnia. Prëibel da se prenoté al 0474 524020 o a prenotaziuns@museum ladin.it . Iscriziun: 5 €.
10.11.
Curs da cujiné salverjina
Les Patrones dl comun da San Martin y le Consëi de for­maziun da San Martin mët a jí n curs da cujiné salver­ji­na, cun Hermann Dapoz. Le curs vëgn tigní en mertesc ai 10 de novëmber dales 19:00, tla ciasadafüch dla refeziun a San Martin. Le cost é de 50,00€ a ce. Prenotaziuns an­ter i 2 de novëmber pro Gaby, al numer 389 0834252.
Mëns de utober
Café dla rujenedes: spanuel
Ntan l Café dla rujenedes tla biblioteca de San Durich a Urtijëi uniràl rujenà spanuel cun Emilia: uni merdi dl mëns, ai 6, 13, 20 y 27 de uto­­­ber, for dala 09:30. Na cunescënza de basa dla ruje­neda ie bënududa.
Uni mierculdi
Café dla rujenedes: nglëisc
Ntan l Café dla rujenedes tla biblioteca de San Durich a Urtijëi uniràl rujenà nglëisc cun Nicky y Jen. N se anconta for de mierculdi dai 14 de utober nchin ai 4 de nuvëmber, for dala 09:30. Na cunescënza de basa dla rujeneda ie bën­ududa.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­blioteca »Anda Malia da Cudan« tla Cësa di Ladins a Urtijëi. Unide nce Vo!

Sport
24.10.
Campiunat IHL: HC Gherdëina vs. Vinschgau
Tl stadio Pranives te Sëlva saràl ai 24 de utober dala 20:30 la partida de campiunat IHL. L HC Gherdëina jugherà contra l Vinschgau.
25.10.
Turnoi de tennis: ITF Men Val Gardena Südtirol
Tl zënter dal tennis de Sëlva uniràl a se l dé la otava edizion dl ITF Men Val Gardena Südtirol 15.000 dollar, dai 25 de utober dala 09:00 inant. L turnoi va inant nchin ai 31 de utober y ie a bona ucajion per udëi truep talënc jëuni da dut l mond.
31.10.
Campiunat AHL: HC Gherdëina vs. Hockey Unterland Cavaliers
Tl stadio Pranives de Sëlva saràl ai 31 de utober dala 19:30 la partida dl campiunat AHL (Alps Hockey League) danter l HC Gherdëina y l Hockey Unterland Cavaliers.

Mostres y Ert
Atualmenter
Claus Soraperra en mostra a Trent
Tel Spazio Atelier Benigni, via Belenzani 51 a Trent, se pel veder la esposizion del artist Claus Soraperra dal titol »Del Seelengarte, ovvero l’Orto«. La é da poder veder fin ai 29 de otober dal mèrtesc al vender da les 16:00 a les 19:00 e de sabeda ti oraries 10:00-13:00 e 15:00-18:00.
Atualmenter
En recort de Daniel Zen
La clasc 5 LAF de la Scola Ladina, con i ensegnanc Ti­ziano Deflorian e Stefania Pederiva, à endrezà na mostra dal titol »Dal Spirituèl al Ma­terièl« en recort de Daniel Zen. La mostra resta fora tel liceo artistich fin ai 24 de otober.
Atualmenter
Mostra su la geologia
La Fondazion Dolomites Unesco, en colaborazion con la Scola Ladina, à endrezà la mostra »Dolomiti: in cammino nella geologia della meraviglia« da poder veder te l’aula mo­stres del Liceo artistich a Sèn Jan fin ai 27 de november dal lunesc al vender da les 8:30 a les 17:30, prenotazions a la mail thomas.zulian@scuole.provincia.tn.it.
Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.
Atualmënter
La Berstot de Lenert
Dai 19 de setëmber nchin ai prim de nuvëmber iel da udëi tla sala dla mostres dla Cësa di Cugresc a Urtijëi la mostra che se dà ju cun la storia dla berstot dla familia Moroder Lenert y dantaldut cun l’opres di scultëures Rudolf Moroder Lenert (1877–1914) y Ludwig Moroder Mëune (1879–1953)

Sozial
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­mazions de sustëni pòs­sen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons: ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gher deina@family-support.it
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
30.10.
Deberieda: fajon lintiernes
La grupa Deberieda nvieia a pastelné lintiernes. N se an­conta dala 14:00 dan la Cësa de Paussa a Urtijëi. »Deberie­da« ie na grupa che mët a jì ancuntedes danter ulenteres y persones che à problems psichics o de sozialisazion.

Referac
23.10.
Sëira geologica
Tla pitla sala tla Cësa di cun­gresc a Urtijëi saràl n vënderdi ai 23 de utober dala 20:00 n referat sun i aspec geologics dla Secëda cun la referënta Evelyn Kustatscher, geologa y paleontologa. Ntreda liedia.
26.10.
Surandada dl lüch y dla dita
La KVW de Badia muet a jí en lönesc ai 26 d’otober dales 20:00 n referat cun l’avocat Paul Maieron, tl’aula dla scora elementara de Badia. Le titul é »Surandada dl lüch y dla dita« olache an respognará a domandes sciöche: ci feji pa canche al é gnü le momënt da passé inant le lüch o la dita? Él por val’ da scrí n testa­mënt? Can él pa le dër momënt por le fá? Co dessi pa le fá?
28.10.
Burnout
Tla Cësa de Cultura te Sëlva mët l KVW Sëlva a jì na sëira de nfurmazion y descuscion n con’ dl burnout, cun l psico­logh Edmund Senoner, n mierculdi ai 28 de utober dala 20:00.
28.10.
Esperiënzes dlungia la mort
Chësc é le titul dl referat che le Consëi de formaziun da Corvara mët a jí en mercui ai 28 d’otober dales 20:00, tl salf dles manifestaziuns a Cor­­vara. Referënt é le dotur y anestesist Marco Pizzinini, che baia dles esperiënzes dan la mort y dá informaziuns söles conescënzes dla medejina y dla sciënza sön chësc feno­men. Na sëra danter sciënza, esperiënzes personales y la domanda de ci che i savun dl confin danter vita y mort.
03.11.
La Pröma Vera söi confins dl’Alta Badia
Le KVW de Badia inviëia al referat »Pröma Gran Vera 1914-1918 – söi confins dl’Alta Badia«. Le referat vëgn tigní en mertesc ai 3 de novëmber dales 20:00 te salf dla scora elementara a San Linert. Re­ferënt é Roland Rudiferia, la relaziun é por talian.

Iadi y Jites
Atualmënter
Iscrizions: viac cun l bastimënt sun la Donau
La Grupa KVW de S. Cristina mët a jì n viac sun la Donau cun n bastimënt »Bellejour«, dai 12 nchin ai 17 de auril 2027. La iscrizions vën bele tëutes su da śën inant nchin al plu tert ai 31 de utober 2026. Per plu nfurmazions y per se nuté su: Emmerich Se­­noner, 335 57 13 575.
29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù »Salzburger Ad­ventsingen« y a ti cialé ala »Salz­welten« a Hallstatt. L ie bele śën mesun resservé l post cherdan su Rudolf al 335 6380 973. L priesc ie de 400€ per persona (per la majon sin­­gula 485€). I posć ie dant resservei ai cumëmbri dl Kvw y da dedò permò ai autri nteressei.