Al é belo en ann, porchël s’él müdé de vigne sort de prospetives. De merz 2020 êl gnü dit che la scora gnea slüta 2-3 edemes, spo ponsâi: co feji pa da sté a ciasa trëi edemes? Dedô él gnü trëi mënsc t’en bot y an á messü s’aüsé. Ci ch’i ne m’ess nia aspeté, é che i fossun do en ann tres ciamó lëite. Mio modo de vire s’é müdé dassënn. I sun gnü endertant dër critich y dandadöt sunse stüf.
De ci vers pa critich?
Sön le modo da gestí cösta pandemia da pert de chi co comana. Al vën fat massa trepes regoles co n’á nia sëns, co n’é nia coerëntes y co n’á nia chi gran resultac co aldiss da ester, por l’impëgn che al ti vën motü ete. Con cösc n’ôi nia ch’i sess da le fá miú, mo chël n’é nia mio compit. Iu feji śën le critich.
Sce te comanass y podess tó na dezijiun, cara fossel pa?
Haha... chël te diji canche i ciafi 15 mile euro al mëns de paga, zonza limitaziuns desche d’atri mëss subí.
Döta la intervista con Diego Clara ciafëise t’La Usc di Ladins di 26 de merz
(pablo)
