La Usc di Ladins

Ne diste vèlch de te?
Gio son da Mazin, é 57 egn, da 32 egn son maridada con Sergio Liberatore, é trei fies maraveousc (per la mama i fies i é semper maraveousc...) Daniel, Federico e Thomas. Da 5 o 6 egn laore te la Malga de Fascia, l é n lurier che me piasc n muie. Me piasc veder coche vegn fat l formai, che pascion che i ge met e far cognoscer i prodoc. Mia vita l é familia, lurier e didar te la comu­nanza, me sà bel jir coi schi, sa mont e rencurar la ciasa.

Se arvejina l temp de Avent e de Nadèl, co te endrezeste?
L temp del Avent l é l moment più bel del an per la familia. Jà d'uton gio vae a me tor l muschie per far la cripela, per solit canche aee i bec amò picoi e ruaa Sèn Nicolò te ciasa, per i 5 de dezem­ber aee semper jà fat l alber e la cripela. Dapò vae a me tor le dasce per far la corona de Avent, me sà bel la enjignar e Thomas me deida. Me sà n moment n muie fon. É emparà a far le corone col grop de volontadives fora Pera che fasc le corone da vener per l picol marcià da Nadal.

Tu t'es ence catechista, co vivede chest temp coi bec?
Gio son coi bec de terza mesana e sion do che rejonon de la Creise­ma ajache i l à tanche fata. Del Avent ge spiegon soraldut canche i é più picoi, di colores de le cian­deile e so segnificat. Chest grop l porton inant da la pruma popo­lara. Sion de trei catechiste: gio, Barbara e Rosanna, dute trei mare de bec de terza mesana. I bec da Mazin i va a far catechesi con chi da Pera, mie fi del 2008 l fossa soul ta Mazin. I é de 12. (MCI)

De plu tla edizion stampeda de La Usc di Ladins o sun l e-paper a paiament www.lausc.it/e-paper