La Usc di Ladins

Bondì Martina, come esto ruada a stà a Col?
Mi vegne da San Donà di Piave, che l é na picola zitadina ma n auter mondo respet a Col, e a n zerto pont ai dezijo de cambié vita. L eva da tanc de agn che pensave de vignì a vive sa mont, almanco diesc agn, ma ave capì che volè vignì a sta cassù l eva n scampà da la mia situazion. Mi laurave nte desferente agenzie de digital marketing, ulà che se laurava tant e con tant de stress, ma ai semper pensà che molà dut e se n jì sa mont l eva na dezijion da ció canche s'é sigur de chel che se fà e no na dezijion da ció gauja l stress de chel moment. Po sta idea la é restada n frego da banda canche col laor la é juda meo, ma col prim lockdown ai tornà a la ció ca: vignive da n agenzia de marketing ulà che laurave davero tant, steve fora de cesa dodes ore al di e co tornave a cesa no ave gnanca pi voia de vede o de descore con valgugn da cuan che sonve straca. Alora nte chel momento m'ai domandà sel eva chel che voleve fà per duta la vita e m'ai rendù cont de no, che voleve incia avè temp per mi.

E can elo stat che t'as dezijo de mudà tua vita?