Co veidei pa i bec e i joegn de Fascia sie davegnir? Che se metei pa dant? Che volessei pa doventèr?
L é domanes emportantes a cheles che ogneun à responet te sia vida: con n dessegn, con n pensier, con n video. Duc chisc lurieres dapò é stac biné ensema e metui fora te la mostra multimediala »L liber di dejideries« che é stata prejentèda en vender ai 6 de mé te Scola d’èrt tel chèder de la scomenzadives de l’Aisciuda Ladina.
N bel grop de scolees de la II e de la IV populèra de Poza e vèlch student de la I LAD se à binà te sala grana de la Scola d’èrt, curiousc de veder l frut de sie empegn.
Do l salut del vize Sorastant Domenico Bravi, la referenta per la scola d’èrt Barbara Fanton à spiegà i vèresc che l é stat fat te chisc meisc passé per meter ensema chesta mostra. »Aon tout su chesta scomenzadiva con gaissa e aon lascià che i scolees la svilupee coche ge saea più bel. I bec de la scolina à fat i dessegnes, chi de la populères e de la mesènes à fat video e scrit frasi e i studenc de la scola auta i à creà na bacheca publica olache duc pel scriver sie pensieres.«
De più su La Usc stampèda de vender ai 13 de mé. (Monica Cigolla)
Scolees picoi e gregn, protagonisć de sie davegnir
Tel chèder de l’Aisciuda Ladina l é stat prejentà na mostra multimediala che bina ensema i lurieres fac te scola.
Galaria retrac
View the embedded image gallery online at:
https://www.lausc.it/spezial/19593-scolees-picoi-e-gregn-protagonisc-de-sie-davegnir#sigProIde099dc0f3b
https://www.lausc.it/spezial/19593-scolees-picoi-e-gregn-protagonisc-de-sie-davegnir#sigProIde099dc0f3b