La Usc di Ladins

Ge tegne a ge dèr ousc a duc chi joegn che à vivù, l isolament, l distanziament sozièl, la tema per la malatia per ic e per si parenc, che à utà sotessora sia vita da canche à tacà a se slarièr fora l Covid-19.

A cajon de la pandemia, anter i joegn se à svilupà mudamenc de umor e l stèr con festidech per cogner renunzièr a duta la ativitèdes che i fajea de ogne dì, zenza saer canche i aessa endò podù tachèr na vita desche dant.

I joegn à mudà ence sia costumanzes sul magnèr e n muie de ic à perdù l enteres per chel che i fajea, tant da no aer voa de studièr o de lurèr.

Ge é stat neà la ocajions de se troer e jir stroz coi amisc, de jir a scola, de fèr sport. I se à sentù soi, enceben che de gra a la tecnologia i aesse podù se tegnir n contat con peconc e parenc: tel temp de la pandemia, internet l é stat la soula vida desponibola per comunichèr. I dispositives eletronics l é doventà i strumenc con chi che se podea dejoujer virtualmenter vigni atività: vegnir en consaputa di fac de atualità, studièr travers la didatica a distanza e sozialisèr.

De più su La Usc stampèda de vender ai 20 de mé.  (Manuela Deville)