Libres su la speisa da zacan anchecondì n’é teis che va stroz, mascima da canche i »velges magnares da stiegn« (titol vegnù fora jà di egn ’60) é doventé argoment de cult, soraldut per via de la ‘nouvelle cuisine ladine’. Donca no se metaron segur a ge fèr concorenza ai cheghes e a chela valenta femenes de cèsa che se dèsc jù con rezetes e ingredienc per renovèr la speisa da zacan. Chiò volon demò portèr dant valguna conscidrazion en cont di inomes che nesc veies durèa per chi peres bèsć che i metea – vèlch outa con fadìa – sora desch.
Ben, vèlch outa i fajea pa ence damat. Te na letra dai 4 de mèrz del 1889, nosc Amadio Calligari conta che en chel an da la Jebiacia sa Vich i aea fat la ‘mascherèda de la caerìa’: enlouta dò chi che arèa vegnìa zachei che »portaa da marena brutadelle te gremen e steft de pegna«, per fèr carnascèr, se sà ben. Defat, scrif Calligari, »dapò i à grignà salà e sbufonà un pez«.
Podede lejer duta la rubrica con la curiositèdes su la paroles su La Usc stampèda de vender ai 7 de otober. (Fabio Chiocchetti)
Steft, smòrm e zapolà
Enstouta ‘fora de crigna’ tolon fora no demò paroles, ma ence vèlch da magnadiva.
Galaria retrac
View the embedded image gallery online at:
https://www.lausc.it/spezial/21234-steft-smorm-e-zapola#sigProId419c3825bf
https://www.lausc.it/spezial/21234-steft-smorm-e-zapola#sigProId419c3825bf