La Usc di Ladins

Ues’a te prejenté n curt?
Barabara Giessner Son Barbara Giessner, nasciuda tl 1963 a Minca, ulache éi vivù da pitla. Canche ove nuef ani à mi tati y mi mami giaurì na pitla pension a Völlan, sëura Lana, nscila sons ruveda a sté te Südtirol. É fat la scola per turism a Maran y é nce laurà vint ani alalongia tl ciamp dla gastronomia. Do n pez fovi stufa dla sajons: d’instà ntëur Maran y d’inviern tla Svizra o tla Dolomites, ajache ntlëuta ne fòvel tl turism mo nia drë’ stieres per dut l ann. Ora de chël messans sté de cinch te una na majon y chël ne me savova nia bel. Nscila me éi cris n lëur dala firma Schön­huber Franchi. Do che chëi à stlut, sons jita inant tla firma Senoner, ulache lëure for mo. Dal 1993 al 2000 fovi nce mari­deda. Ne é degun mutons y l me desplej che ne n’é degun fredesc o surans. Tres chël che fove na muta sëula à mi genitores cialà scialdi de mé, nce si aspe­tatives y speranzes pesova sun mé. Per chësta rejon me n sons bele jita cun 19 ani da cësa. Laurove via per l di y nce da sëira per pudëi me paië l cuatier, ma son for stata bona de m’la cavé da sëula. (SPM)

De plu tla edizion stampeda de La Usc di Ladins o sun l e-paper a paiament www.lausc.it/e-paper