La Usc di Ladins

La gara organisada dal Ski Team Fassa é stada na desfida por n sofl de centejims: i baiun dl slalom FIS tigní incö ai 4 de forá sön la pista "Aloch" a Poza de Fascia, che s’á desmostré por i ladins emozionanta de vigni vers. Bele do la pröma manche ciarâra fora dër bun: Matteo Canins de Badia comanâ la classifica cun n vantaje de 3 centejims sön le finlandesc Jens Henttinen. Al cuarto post soflâ sön le podest Alex Zingerle da La Ila. Les chertes s’á spo ót tla secunda pert dla gara, olache Zingerle á metü sö le secundo miú tëmp de manche, che á basté por resté söl scalin plü alt dl podest. So tëmp total é sté de 1:47.31. Le finlandesc Henttinen é resté al secundo post, ince tla secunda manche por ma 3 centejims dala devënta. Matteo Canins s’á plazé al terzo post a 0.21 centejims da so compagn de scuadra.

Deplü sön les gares te Fascia t’La Usc di 7 de forá.  (pablo)