Se trèr ite i schi, tachèr ite la pouses e se fèr na bela raida. Te chest invern del Covid, con trop temp ledech e l besegn de no se stufèr e se mever fora, n maraut de persones se à dat al skialp. Sportives, jà usé a se trapinèr su per na erta per fèr mingol de fadia, e neves schiadores, per solit usé a fèr de auter per passèr la giornèdes ma che tinultima i à volù proèr chesta emozion de bater la gravità e vardèr l bel mus de Fascia da sora en ju.
Enstadì l’é stat aboncont n atlet che à fat vèlch de più che na raida de la domenia. Na endesfida da cheres forc e arcedé, na impresa de cheles che la mencianza de garejèdes a cauja del virus à fat nascer ti ultimes meisc, a proa che chi che vel se spenjer aldelà di limic troa scialdi na vida. Na competizion con sé enstesc, che Cosma Verra da Dèlba l’à metù a jir con na 24 ores de atività con la pouses.
Vedù tant, no aon podù fèr auter che se la fèr contèr.
L'intervista é da lejer su La Usc stampèda de vender ai 2 de oril. (Daniele Verra)
Cosma Verra, 24 ores de schi zenza paussa
L’atlet de Dèlba ge à fat front a l’endesfida con la pouses: passa 17.000 metres de dislivel zenza dormir.
Galaria retrac
View the embedded image gallery online at:
https://www.lausc.it/sport/15283-cosma-verra-24-ores-de-schi-zenza-paussa#sigProId99fa2e7293
https://www.lausc.it/sport/15283-cosma-verra-24-ores-de-schi-zenza-paussa#sigProId99fa2e7293