La Usc di Ladins

L sport l’é competizion. La fadia, i arcedamenc, i sacrifizies cogn portèr al vantac sui aversaries, sui nemisc da bater per desmostrèr de esser l più fort. Ma l sport no l’é demò chest. L sport l’é de più. L’é emozion, l’é lealtà, respet e amicizia. La 7^ edizion de la Dolomitica del Brenta l’é stat na bela desmostrazion de chest, na lezion che à metù la sportività dant da dut, dant del profit personèl e de la gaissa de aer la soramessa.

De passa 500 i se à prejentà en domenia ai 27 de jugn per l’edizion post covid de la Dolomitica Brenta Bike, olache l campion de la Soudal Lee Cougan Mtb Racing l’à fat segnèr n temp record per la venta sot la 3 ores. Secondo l trentin Andrea Righettini e terzo Jacopo Billi. A pec chilometres dal travert la posizions basses del podie les é reverses, con Billi secondo e Righettini terzo. Ampò Billi sbuja e Righettini podessa despassèr l’aversarie, ma l dezide de se fermèr e ge dèr aria a la goma de Billi per l meter endò en gara, e chest no l proa più a se tor de retorn la seconda piaza, restan en terza e rengrazian per la sportività.

De più su La Usc stampèda de vender ai 2 de messèl 2021.  (Daniele Verra)