L meis de setember é passà e do i prumes verdec de la sajon se scomenza a entener colun che sarà chest an l livel de la Alps Hockey League. Do la pruma 8 partides l é stat la Acroni Jesenice a se tor l prum post en classifica con adertura 21 ponts. L scomenz de campionat di slovens l é stat dassen bon, coscita desche chel del Asiago, la pruma forza talièna del campionat che à vadagnà te la prumes 8 demò trei ponts de manco che la squadra leader.
Chesta la situazion a cef de la classifica, con noscia ladines che enveze à padì maormenter chest scomenz de campionat (7 partides jièdes per la trei formazions), segnà amancol da la bela neva di sostegnidores che à podù troèr endò lèrga te la paladines do i ujes seré del Covid.
Per troèr la pruma squadra de noscia valèdes ge vel vardèr al 11° post con l Cortina. 9 i ponts vadagné da la formazion ampezèna. 6 enveze i ponts che ge à fat vadagnèr per endèna la 13^ posizion al Gherdena e demò 3 chi che à portà l Fascia al 15° post, dant de Veu Feldkirch e Vienna Capitals Silver che sera la classifica.
De più, con la cronaca de la partides de la squadres ladines, é da poder lejer su La Usc stampèda de vender ai 8 de otober. (Daniele Verra)
Scomenz stentà per la ladines
La partides di 2 de otober à portà trei desfates te cèsa per la formazions ladines de AHL, e la classifica vaa.
Galaria retrac
View the embedded image gallery online at:
https://www.lausc.it/sport/17309-scomenz-stenta-per-la-ladines#sigProIdee53056e14
https://www.lausc.it/sport/17309-scomenz-stenta-per-la-ladines#sigProIdee53056e14