La Usc di Ladins

Tel fin de setemèna dai 22 ai 24 de otober a Roma l é stat l Master Finèl Gazzetta TPRA Challenge de la sajon de tennis 2021, l event più emportant del tennis amatorièl.

Passa 300 jiadores se à binà per tor pèrt a chest apuntament conclusif che l é stat viventà da passa 250 partides singolères e dopies de ic, eles e mescedèdes, do se aer vadagnà la calificazion de gra ai resultac otegnui ti desvalives tornoes TPRA fac via per l istà del 2021, demò i prumes e i secondi classifiché defat à abù azes a la finèla. 

A poder destachèr l biliet per Roma l é stat ence na joena fascèna, Iris Deville, tesserèda del Tennis Club Moena, che la é stata bona de ruèr en semifinèla do aer vent con grinta e determinazion trei partides de seghit. 

De più su La Usc stampèda de vender ai 29 de otober.  (Cri.m)