Nadia Delago à venciù la prima garejeda de superG cun n tëmp de 1:25.76, cun n secunt y mez de vantaje dala rumena Ania Monica Caill. Terza la tudëscia Nadine Kapfer. Teresa Runggaldier de Gherdëina à arjont l 12ejim plazamënt.
Tla segonda garejeda à la mëndra dla surans Delago inò venciù la bedaia d'or, dan la taliana Sofia Pizzato y la ceca Tereza Nova. Teresa Runggaldier 10ejima.
Tl super-G di ëi à inò venciù Emanuele Buzzi, che ova nce bele venciù la doi libres de merdi y mierculdi, dan Federico Simoni y Marco Abbruzzese. Mattia Cason, che ie de Gherdëina ma sta śën a Laion, à arjont l setimo plazamënt. Max Perathoner de Sëlva 17ejim.
Foto: "Saslong Classic Club"
Double de Nadia Delago sun Piz Sela
L'atleta de Sëlva à venciù i doi super-G dla FIS Challenge inier juebia domesdì sun Piz Sela. L super-G di ëi ie inò unì venciù da Emanuele Buzzi
Galaria retrac
View the embedded image gallery online at:
https://www.lausc.it/sport/19259-double-de-nadia-delago-sun-piz-sela#sigProIdfd723f9b9a
https://www.lausc.it/sport/19259-double-de-nadia-delago-sun-piz-sela#sigProIdfd723f9b9a
