La Usc di Ladins

Dl Südtirol êres de trëi, les atletes che á tut pert ai »International Ski Games« organisá dai 8 ai 10 de aurí a Prato Nevoso: Benedetta Sardi dl SC Al Plan, Francesca Miribung dl Ski Team Alta Badia y Ginevra Balada dl ASV Gitschberg. Por les trëi sciadësses jones él sté na bela esperiënza danter agonism y devertimënt pro chëra che ares á arjunt de bugn resultac. Benedetta é rovada al 5. post tl slalom lerch y al 4. post tl slalom strënt; te gimkana éra rovada 10. Francesca s'á plazé al 6. post tl slalom lerch y al 5. post tl slalom strënt; te gimkana s'ára plazé al 27ejim post. Ginevra é rovada 31ejima tl slalom lerch, 25ejima tl slalom strënt y é baldi tomada fora te gimkana.  (kp)