La Usc di Ladins

Tel fin de setemèna di 30 e 31 de messèl, ti ciampes del Tennis Club Moena jun Navalge l é stat metù a jir la pruma edizion del Tornoi Resa, n tornoi de tennis particolèr, dut dedicà a la femenes donca ma con n gran valor enjontà, chel de ge sporjer sostegn al Zenter Antiviolenza de Trent. Dut chel che l é vegnù ite defat, la zifra torona de 500 euro, l vegn dat dut en benefizenza, destinà a chesta sociazion che se dèsc ju per didèr la femenes vitimes de violenza.

Na gran bela scomenzadiva per sensibilisèr duc chenc su chest tem tant delicat e de gran atualità, amò ite te noscia sozietà e amò massa sconù, che per desgrazia troa semper lèrga ti fac de cronaca.

L event sportif ma ence sozièl e de solidarietà, che à vedù se dèr batalia 17 tenistes, l é tacà en sabeda con la pruma partides con la formula di girons e l é jit inant la domenia con la partides a eliminazion direta.

De più su La Usc stampèda de vender ai 5 de aost.  (Cristina Marchetti)