La Usc di Ladins

Tratan l’ultima edema él indô gnü metü da jí dui tornés daldöt nüs sön le ciamp da golf da Tranrüs. En jöbia ai 1. de setëmber él gnü adalerch sogadus sura i 50 agn da döt le Südtirol por la VSS/Raiffeisen Senior Cup 2022 y ince sce les condiziuns dl tëmp ne ê nia les mius se á impó 86 sogadus metü sön le iade por gní a desfiré les 18 büjes preodüdes, döes rodes dl ciamp. La sogadëssa da Calfosch, Renate Pescosta, á podü lascé odëi so bun jüch y á davagné le titul de campionëssa provinziala tla secunda categoria.
La sabeda ai 3 d'agost él gnü organisé na gara a scuadres, metüdes adöm da 4 sogadus, “Il torneone”, organisé dal Hotel Italia y Pizzeria Caterina da Corvara y dala Dolomiti Dental Clinic. Le tëmp á daidé para y ti á conzedü ai 28 sogadus, partis sö te 7 scuadres, na bela desfida sön le ciamp.

Les classifiches
»VSS/Raiffeisen Senior Cup 2022« - Lordo ëi: 1. Moreno Trisorio, Eppan-Ciareja (31punc) - Lordo ëres: Manuel Mahlknecht, Quellenhof (24 punc). Netto 1a categoria ëi: 1. Rudi Adami, Quellenhof (37 punc), Netto 1a categoria ëres: 1. Barbara Oberbacher, Gherdëna (34 punc), Netto 2a categoria ëi: 1. Josef Turin, Sterzing (35 punc), Netto 2a categoria ëres: 1. Renate Pescosta, Alta Badia (34 punc)

»Il torneone« - Lordo: 1. post por la scuadra metüda adöm da: Philipp Schrott, Felix Schrott, Nora Planatscher y Aaron Planatscher (24 punc). Netto: 1. post por la scuadra metüda adöm da: Ciro Bonini, Renza Franzoni, Silvia Manzini y Christian Mariani (30 punc).

Dötes les classifiches pon odëi sön www.golfaltabadia.it. La proscima competiziun sará "Piz Boé Alpine Lounge Golf Cup by Movimënt", che é sön le program indoman, sabeda ai 10 de setëmber.   (md)